زعـبـلـيــــــات .. 3

** الجزء الثالث من سلسلة الزعبليات الطويله .. وكالعاده بطلب من أي حد مش فاضي انه ميعطلش نفسه لأنه ببساطه بوست شخصي !

- رغم عشقي الأزلي ليك .. إلا إننا " كـالعاده " كنا متخانقين ..!
بس أنا مبسوطه عشان كسرت " العاده" دي وصالحتك .. بحبك اوي .. :)

- الست دي أكبر كنز معايا .. سر كل حاجه جميله في حياتي .. ماما ، نفسي أفرحك اوي .. وهفرحك قريب اوي بإذن الله ..

- السمك مات ، هجيب غيره .. بس زعلانه اوي ، السمك ده بالذات كان فارق معايا اوي لتفاصيل بسيطه .. كبيره جوايا اوي .. اوي ..!


- اتضايقت اوي من الناس اللي قعدت تقول كل ده عاملينه عشان مجرد ماتش ؟!! حسيت انهم سطحيين اوي .. احنا مش عاملين ده عشان الماتش ، احنا عاملين كل ده عشان اللي حصل بعد الماتش ..
انا في الأول كنت بقول ان اللي حصل ده من قبل "بعض" الجزائريين ، واننا بلاش نعمم الموضوع .. بس لما بصيت بعمق أكتر لقيت ان تفكيري كان غلط .. ببساطه ، مين المسئول انه يطلع مجرمين من السجن عشان يروحوا " يحاربوا" بدل ما يشجعوا في الماتش ؟! وحتي لو اللي حصل ده من قله ، هيفضل كبيييير اوي في ظل غياب الاعتذار الرسمي ..
ده ارهاب ، حتي لو في ناس مش معترفه ان اللي حصل يندرج تحت مسمي الارهاب ، أحب اقولهم كفايه الارهاب النفسي اللي كل مصري حس بيه وهو كرامته وجعاه اوي وحاسس انه متهان اوي في السودان .. و كفايه اوي الوجع والالم النفسي اللي اي مصري قاعد في بيته حاسس بيه دلوقتي ..
اما بالنسبه للماتش مش مهم ، زي ما قاللي : خسرنا ماتش بس كسبنا حاجه اكبر بكتيييير .. كسبنا حب مصر .. :)
ودي فرصه كبيييره اوي لينا اننا نطلع كل طاقة الحب اللي كانت مدفونه جوانا لمصر ونتحد اليومين دول في الظروف دي ..

- مصر و الجزائر .. الحدوته بقت أكبر من مجرد ماتش ، والتاريخ عمره ما هينسي همجية شعب البربر .. وحتي لو كل كتب التاريخ نسيت تدون الأحداث دي فـ كتاب التاريخ المصري هيفضل حافل بيها ، وهيفضل يعلم الأجيال الجايه الفرق بين الشعب المتحضر وبين "ما هم أقل شأنا من الكلاب" ..!

- بكل الحب والمقت .. أكتب عن جامعتي المبجله ..! ( قريبا )

- رب إني لما انزلت إلي من خير فقييييييييير ...

- زعبوله .. ذلك الهيكل العظمي .. رغم احساسي بوحدته القاتله لإفتقاده شكوتي وبكائي وكسرتي اللي كان متعود يحتويها ، إلا انني مبسوطه اوي عشان بقيت شايفاه دايما واقف مبتسم .. علي عكس الصوره اللي كنت شايفاها زمان .. بنضارتي القديمه ..!

- كلااااااام كتيييييير اوي نفسي اقوله .. بس هفضل محتفظه بتلك العاده الغريبه .. وهفضل متمسكه ان في حاجات لازم احتفظ بيها لنفسي .. ومخرجهاش بره نفسي دي .. عشان تعيش .. عشان يفضل طعمها حلو ميبقاش " ماسخ " ..!

- أول مره هبه تدخل عالنت وأقعد أكلمها كتير كده .. كانت وحشاني اوي .. اوي .. بطيبتها وحنيتها .. وكل تفاصيلها ، وكلمته .. حسيت ان روحي رجعتلي تاني لما سمعت صوته قبل حتي ما يكلمني وهو عمال يقولها " ماما انا لو كلمتها انجلش هتفهم ؟؟ " .. معتصم ، وحشتني اوي .. ربنا يقرب البعيد ...


- ساعات بنبعد .. وساعات بنقرب .. ساعات بتاخدنا الدنيا اوي ، بس فينا حاجه جميله اوي .. حاجه جوانا مش موجوده عند حد غيرنا .. حاجه مخليانا عارفين نحافظ علي صداقة 14 سنه .. وعارفين ان احنا مالناش في الاخر غير بعض .. وكل واحده فينا حاطه التانيه في أعلي مكانه عندها ، وعشان كده هما معانا عمرهم ما هيعرفوا يكونوا زينا .. :)

- ولاء و مي .. حاجه جميله اوي بقت جوه حياتي .. ناس فاهماني .. بتحبني .. بتستحملني .. ناس قربوا مني اوي في الوقت اللي فيه ناس بقالهم سنين عايزين يقربوا ومش عارفين ..!


- المره دي مش زعلانه .. وبجد مسامحه اوي .. رغم انكم بينتوا اوي ان فيكم الطبع ده .. بس أنا اللي لما هتقلبوا علي بعض هتجولي تشتكولي .. وهتبقوا ساعتها شايفين ان انا اللي فاهماكم وهتبقوا محتاجين ليا اوي ، و أنا ساعتها مش هتأخر ..!

- د. أحمد .. انت السبب في دخولي علاج طبيعي من غير ما تاخد بالك ..!
د. روماني .. انت مثلي الأعلي ، نفسي أبقي دكتوره ناجحه .. جاده .. مخلصه في شغلي اوي .. والناس تدعيلي زيك ..

- وعارفه .. أنا نفسي تكوني حلالي وحبيبتي وأم عيالي .. ونعيش العمر أنا وانتي بس أنا وانتي أنا وانتي ..

- مش عارفه ، بس كل اللي اعرفه انني قدرت اتحرر من حاجات كتير اوي كانت زي السجن حواليا .. قدرت أغير نضارتي واشوف الدنيا بعيونه اللي شيلاني جواها ..
بقيت بعشق منير .. وبسمع فيروز في أي وقت .. وبستمتع بصوت عايده الأيوبي من غير ما احس بكسره وجرح زي زمان ، بقيت بلبس كعب عالي من غير خوف أو احراج .. بقيت بضحك أكتر ما ابكي ، بس ضحك من القلب مش زي المزيف بتاع زمان ، بقيت بذاكر كويس .. وبعرف اذاكر عشان بالي مرتاح مش مشغول ومشتت زي زمان .. بقيت حاطه قدامي أهداف كتييير هستميت كالخراتيت عشان اوصلها مش هيبقي مجرد كلام من غير فعل زي زمان .. بقيت لما بروح هناك ببقي مبسوطه اوي وعاشقه للمكان اللي كان زمان بيفكرني بتفاصيل سيئه وكلاكيع غبيه ، حطيت نقطه وفتحت صفحه بيضاء محفور عليها من أول السطر " سوبر مان " وبدأت من الصفحه دي .. غيرت كل الوجع والألم والجرح اللي كان جوايا بفرحه وحب .. ومحيت كلاكيع سوداء غبيه من ترسبات بني آدمين مروا عليا في حياتي .. وبدلت كل نقط الضعف اللي جوايا بنقطه ضعف واحده فيها سر قوتي ..!

- ممكن يكونوا بيقولوا عليا مجنونه .. مهووسه .. مش مهم ، أنا بقيت مجنونه بيك ، نفسي أقف قدام الدنيا دي كلها وأقولهم : أيوه .. هو ده .. هو ده عبده .. هو ده سوبرمان بتاعي .. هو ده حبيبي .. هو ده اللي هتجوزه .. :)

- النهرده اول يوم العيد .. دي رابع مناسبه حلوه تعدي علينا .. ربنا يجعل أيامنا كلها أعياد .. يااااااارب .. :)

- نفسي أقف في مكان فاضي وااااسع اوي .. حواليه شجر كتير .. وتمسك ايدي وأرقص معاك علي نقرات بيانو خافته .. تضمني ليك بكل حب ورفق .. وتهدأ نقرات البيانو .. وتنتهي رقصتنا .. ويعلو صوت الجيتار .. ويشتد المطر .. ونجري .. نجري .. نجري ...

- ما تيجوا نلعب ؟؟
- اممم ، طيب هنلعب ايه يا جو ؟؟
- نلعب لعبه جديده .. كل واحد هياخد ورقه ونختار حد نكتب عنه حاجات شايفينها في شخصيته بس مكسوفين نقولهاله .. وبعد كده نلغبط الورق كله وحد يقرأ الكلام اللي اتكتب من غير ما يقول مين كتبه ..
- تمااام .. هنكتب عن مين ؟؟
- هنكتب عنك يا هاجر ..
- أنا ..!
- أيون :)
- ضحكت ضحكة خافته .. محدش منهم فهم معناها ..
- يلا يا جماعه كله يكتب عن هاجر .. عايز شتايم للصبح واحراج بقي وحاجات من هذا القبيل :)))))

- يلا يا مصطفي لم الورق وأقرالنا ايه اللي اتكتب ..

- مجنووووووونه ..
- دمها زي العسل ..
- ثقتها بنفسها عاليه اوي ودا بيخليها تقول طظ في الناس وتعمل اللي هي عايزاه وساعتها ممكن تتفهم غلط ..
- صعبه ..
- ليه بتسيبي الناس تفهمك غلط وتبقي عارفه هما فاهمينك ازاي بس مبتحبيش تدافعي عن نفسك ؟؟
- غامضه ..
- طيبه وهبله ..


- يااااااااه ، كل ده شايفينه فيا ؟!

... قالوا عنها وقالوا .. وقالوا .. ولسه هايقولوا .. وهي واقفه مكانها مبتسمه .. في دماغها حاجه مش هتقولهالهم .. هتسيبهم يحاولوا يكتشفوها ..!

م ص ر

مصر .. حاله تتحدث عن العشق والمقت في آن واحد ..!

I miss U ..

more than words can say ..

For My Superman ..

It's YOU .. You mean everything to me ... you are the first thought in my head in the morning when I wake up; my last thought before I go to bed. You smile at me in my dreams ... when you are sad, I feel sad & when I see your true smile, I feel incredible, like there is no other thing around & all I can see is you ..

Mounirian Mood .. :)

لما الملك يغني ، الكل لازم يسمع .. يفهم .. ويحس ...

تـاااج .. 2

** تاج قديم جالي من بسنت صاحبة مدونة " خواطر شابه تعيش مع الأخرين وتريد ان تكون هي " ..

- اسمك ؟؟

هاجر زعبل


- سنك ؟؟

18 سنه

- اسم مدونتك ؟؟

مشاعر صنعت كلمات



- مجال دراستك ؟؟

علاج طبيعي

- هل فكرت في اغلاق مدونتك ؟؟ والسبب ؟؟

لأ طبعا .. هو في حد يقدر يقفل بيته الجميل ويعيش في الشارع ؟!

- ايه رد فعلك لو حد قل أدبه عليك في المدونه ؟؟

محصلتش .. ومعتقدش انها ممكن تحصل ، بس لو جه اليوم اللي يحصل فيه حاجه زي كده هتعامل مع الانسان ده بقمة الإحترام وهيندم ساعتها انه قل ادبه - يعني ببساطه هقل أدبي عليه بأدب - !



- أسوأ مدونه دخلتها ؟؟

أي مدونه دخلتها ومعجبتنيش او محستهاش او مشدتنيش ، بالنسبه لي مدونه سيئه ..



- هايحصل ايه لأيميلك بعد ما تموت ؟؟

هيفضل عايش عند الناس ، في الوقت اللي بيموت فيه من كتر الركنه ..

- اديت الباسوورد لحد قبل كده ؟؟

اه


- السفر بالنسبه لك ؟؟

في البدايه بيكون محاوله لكسر ايقاع الحياه اللي ساعات بيكون ممل ، وبحث عن الاستجمام .. او حنين لحاجه معرفهاش ، بس في نهايته بيكون مؤلم أوي .. لما تحس انك سايب حاجه منك في المكان ده ومسافر تاني بعييييد ..


- المود بتاعك ايه ؟؟

هاجر زعبل .. ده اسم موود مختلف ..!

- بتعمل ايه في وقت فراغك ؟؟

مفيش حاجه محدده ، ممكن أخرج ، أكتب ، أقرا .. ارسم .. أسمع عايده الأيوبي أو حتي ترانسات .. وأنا عماله بفكرررر ...

- الأكلات المفضله ؟؟

الجمبري البانيه والكاليماري ، ممكن نقول السي فوود عموما ..
بحب المكرونه .. وبعشق البطاطس والشيكولاته - حلوه شيكولاته دي :D –

- الصفات اللي أخدتها عن والدك ؟؟

- الهدوء والعصبيه اللي بتتمثل في " اتق شر الحليم اذا غضب " ..

- الاصرار والإراده اللي صعب حد يهدها ..
- الشك ..
- خفة الدم ..
- الجرأه والأدب معا ..
- الذكاء ..
- كتير بعرف أقرا اللي قدامي زيه ..
- حب القراءه ..

- العقل والجنون ..

- الصفات اللي أخدتها من والدتك ؟؟

- الطموح ..
- الطيبه و الحنيه ..
- علمتني يعني ايه تضحيه .. :)

- الحساسيه ..
- انني أحب نفسي اوي .. عشان أعرف أحب اللي حواليا اوي اوي ..

- ادتني أمل انني اكون وسط ناس نضيفه اوي من جواها ، بمجرد ما بشوفها بيمتلكني الأمل ده اوي .. :)

- أكتر 6 حاجات بتحبهم ؟؟

- بحب سوبرمان اوي .. :)
- بحب كتاباتي و هواياتي عموما زي القراءه والرسم والتصوير ، وبحب أشوف نفسي وأنا بضحك في الصور ..
- بحب أخرج اوي في أماكن مختلفه سواء لوحدي او مع اصحابي ، بس أكتر مكان بحبه في مصر " الدقي " ..
- بعشق الجامعه بتاعتي ..
- وبعشق كمان القطط ..
- وكمان بعشق الورد الأبيض ..
- بحب ضحكة أي بيبي صغير ..
- بعشق المفاجأت ..
- وبعشق رباعيات صلاح جاهين ..
- وكمان بعشق شكل السمك وهو عمال يلعب في القاروره الصغيره دي .. وببتسم اوي لما احطلهم أكل ويطلعوا كلهم ياكلوه ..
- بعشق أي حاجه وأي حد نضيف اوي من جواه ، لإنني ببساطه بعشق أي عمله نادره ..

.. أنا مش عارفه دول كام حاجه ، بس أعتقد ان كفايه كده .. مش لازم الحاوي يطلع كل اللي جوه الجراب ، عشان في حاجات جميله اوي .. بس لو طلعت بره الجراب ده هيبقي طعمها ماسخ أوي ...

- أكتر 6 حاجات بتكرههم ؟؟

- الإحساس بالظلم والفشل .. :(

- التفكير الزايد عن حده اللي بقي جوايا .. عشان كتير بيخليني مشوشه ..
- الفراق وخصوصا لو حد متعلقه بيه أوي ..

- بكره المواصلات بجميع أنواعها .. وبكره شارع فيصل الساعه 3 العصر .. بيبقي شكله عامل زي علبة التونه اللي مهما تاكل منها مبتخلصش ..
- بمقت مقارنتي بأي حد ، وبحس فيها بظلم وجرح كبير أوي ..
- عندي فوبيا من الحشرات .. والزواحف ..
- بكره انني حساسه عشان بوجع نفسي أوي ..

.. حاجات كتير ممكن تكون بتوجعني اوي ، بس زي ما قلت فوق .. لو قلتها هنا هتبقي ماسخه .. اوي ..

- شخصيتك نوعها ايه ؟؟

بيقولوا انني تركيبه معقده .. وممكن كل شخص يشوف فيا شخصيه واحده بس من المزيج ده ..
وأنا بقول قمة العقل ومنتهي الجنون ..

- لماذا دخلت عالم التدوين من الأساس ؟؟

زمان مكنتش فاهمه العالم ده اوي .. بس كان عاجبني انني افتح لينك ألاقي عليه معظم كتاباتي ..

- احلي جمله قيلت في وصف مدونتك ؟؟

ناس كتير اوي قالت كلام جميل اوي .. كلام منه مجاملات ، وكلام تاني حسيته فعلا ..
مش متذكره الكلام .. بس المهم عندي ان اللي بكتبه يكون شئ محسوس ، مفهوم .. وليه هدف ورساله جميله اوي ..

- أهمية التعليقات بالنسبه لك ؟؟

بتعكسلي اد ايه الموضوع ده عجب فئة المدونين الموهوبين دول ، والمهتمين بمدونتي .. وأكيد بتضيفلي جديد .. عشان كده مهمه بالنسبه لي ، وفي ناس بستني تعليقاتهم لان رأيهم بيهمني جدا .. :)

- أحلي بوست كتبته مع ذكر السبب ؟؟

كل بوست بنزله هنا بحبه اوي .. وبعتبره من أجمل ما كتبت .. سواء في المقالات او الخواطر او الرباعيات او القصص القصيره أو حتي الزعبليات .. كل بوست طالع من جوايا اوي ، وكل بوست ليه مذاق خاص .. عشان كده مش هقدر اختار واحد واظلم الباقي ..

- أفضل مدونه قرأتها ؟؟

كل المدونات اللي ضايفاهم هنا تحت عنوان :

I've Read & Loved

- أهمية الأنترنت بالنسبه لك ؟؟

مفيد في حاجات كتير اوي في كل المجالات سواء البحث او اي شئ يخص مجال دراستي .. عارفه اتكلم مع كل اصحابي واختي اللي سافرت .. عارفه أعمل بلوج زي ده .. عارفه أعمل حاجات كتير .. اللي معندوش نت ده عايش جوه صومعة محدوده مش قادر يخرج منها ..

- اهداء التاج :

- Safa7 karmooz

- Micheal

- عمرو فكري

- Catroz

- منار فايد

- Joker

- لحظة تأمل

- توته " جارة القمر "

- Youssif

- محمد كمال

- نــور " حبيبه "

- محمود رياش

- قلم رصاص

- Hanin

- اسماء وأحلام في وجداني

- Momken

- وعمو فشكوووول

.. مستنيه اجاباتكم ..:)

لقطات ..

- مجموعة قصص قصيره لا تتعدي القليل من الأسطر ..




• وفجأه .. أخرج من تلك الشخصيه التي أتقمصها .. لأجد نفسي وحيده بدونك .. ضعيفه ، علي تمام النقيض بقناع القوه الذي ارتديه .. مفتقده لدفئك وحنانك وملامحك .. لأجد نفسي ضائعه .. تائهه .. وحيده ..!!



• عاشت حياتها تمقط القطط وترفض تربيتهم خوفا من عدم الانجاب .. الي ان ماتت بحسرتها ، فقد اصيبت بالعقم ..!!




• كانت دائما تكذب احساسها .. ولا تبالي بالأدله ، الي ان رأت بعيناها صداقة السنين تنهار أمال المال .. فصديقتها " حراميه " ..!!



• لو كانت علي دراية بجفاء أشقائها بعد وفاة والديها لرفضت أن تأتي للحياه ..!!



• تم الاعلان عن طردها من الجامعه بعد رسوبها عامين متتاليين .. تذكرت وفاة والديها .. وخيانة حبيبها ، فأجهشت بالبكاء ويدها ترتعش " بالسيجاره " التي أوشكت علي الانتهاء .. فهي لم تكن تعلم ان صورة الفتاه الناجحه الذي رسمته لنفسها سينهار ..



• لم يكن أحد علي دراية بسر تعلقه بأطفال الملاجئ .. فهو يري فيهم ابنه الذي قتله بيده لانه " ابن حرام " ..!!



• باقي من الزمن ساعتين ومازال البحث عن نقطة دم لهذه المريضه جاري .. ومازالت مبتسمه متعلقه بالأمل .. متمسكه بالحياه ، الي ان نقل لها الدم وتم شفاؤها .. في الوقت الذي انتحرت فيه جارتها بسبب طلاق امها من ابيها ..!!



• وتقبلت الصدمه من أعز اصدقائها وأخذت تضحك وتقول : " في ناس زي الشاي .. لازم نحط عليهم سكر وزيف عشان نتقبلهم " ..!!



• شرع يجري مهرولاً نحو هدفه ، ممسكا ببضعه من " علب المناديل " .. صدمته السياره فاءنقلب علي جانبه وأخذ يبكي .. أكملت السياره طريقها مسرعه ، في حين قيامه ليبحث عن هدف أخر وهو يبكي من شدة الألم ..!!

** اللقطه الأخيره اتنشرت لي في مجلة كلمتنا ، باب الأدب - عدد اكتوبر 2009 ـ بعنوان " فتفوته " ..

For someone that I called My Soulmate !

قلت يوما لاحدي اصدقائي انني اؤمن دائما بأن هناك روحا خلقت لي.. نصفا أخر لي في هذي الدنيا ، ربما يكن مصاب بالبله المغولي أو لديه حالة داون أو مبتور القدمين أو متسخ ومتقطع الملابس !! ربما يكن هنا في القاهره او في بكين او في لندن او حتي في جزر القمر !! هذا هو الوحيد الذي سوف يفهم تفاصيلي التي تشكل متاهات لأخرين .. ربما أقابله وأكن في أسعد لحظاتي معه وربما لا..!


قالولي يعني ايه؟؟


قلتلهم هو دا الـ soulmate .. او النصف الاخر ..
كل واحد مننا ليه نص تاني .. روح مكمله ليه .. في ناس بتعيش وتموت وهي لسه بتدور عليه ، وناس بتلاقيه .. ويا بخت اللي يقابله ..


عارفين ازاي ؟؟


حوا اتخلقت من ضلع آدم هي نصه التاني .. من غيرها يحس انه ناقص مش لاقي حاجه تكمله .. احنا برضو كدا .. من غير نصنا التاني دا بنبقي حاسين ان روحنا مش معانا .. ضايعه دايما مننا .. ولما بنلاقي روحنا دي بتترد فينا الروح .. اندماج عجيب ما بين اتنين ، تركيبه كيميائيه معقده مبتنفعش غير مع اتنين بس .. عشان هما الاتنين بيبقوا مخلوقين لبعض .. دول بتوع بعض ..


حتي من قبل ما يشوفوا بعض وهما بيحبوا بعض ، مستنيين بعض .. مستنيين شعاع النور اللي يجي ينور ضلمة حياتهم .. عشان هما دول بس اللي طاقة الحب اللي جواهم ممكن تعميهم عن اي حاجه وحشه .. بيعشقوا بعض حتي بعيوبهم .. بسخافتهم اللي ممكن اي حد تاني ينتقدها .. الا هما !! هما دول اللي يقوا علي الناس كلها الا بعض .. دايما بيفهموا بعض وبيعرفوا يحتوا بعض ..
هما دول فعلا اللي عملوا اسمي معاني الحب ..
وهما دول برضه اللي مخليين قلمي عاجز عن الوصف !


هيفضل كل واحد فينا ليه soulmate .. حتي لو محدش اقتنع بكدا ، انا هفضل مقتنعه بيه .. وهفضل احبه حتي من قبل ما اشوفه .. لانني عارفاه ، عارفاه كويس اوي .. ولانه ساكن جوايا ..

** دي كمان كتبتها ليك .. من زمان .. زمااان اوي ، بس كان لازم تنزل هنا في وقتها .. :)

رساله الي مجهول ..

" عندي ثقه فيك .. عندي أمل فيك وبيكفيك .. شو بدك يعني أكتر بعد في .. عندي حلم فيك .. عندي ولع فيك وبيكفيك .. شو بدك مني اذا متت فيك ؟؟ والله راح موت فيك صدق اذا فيك بيكفيك ... "


عارف يا حبيبي أنا ليه بحب الاغنيه دي ؟؟
أصلها بتعبر عن كل حاجه جوايا ليك .. عمري ما وثقت في حد بسهوله .. بس انت ثقتي فيك ملهاش حدود .. حبيتك .. سلمتلك .. وآمنتلك من أول يوم .. صدقتك .. دبت فيك من أول نظره .. من أول لمسه .. :)


يااااه .. بحبك من زمان أوي .. كنت كل يوم بحلم بيك .. رسمتك في بالي من عشقي ليك .. وعمر ما صورتك فارقت خيالي .. دايما بحس ان انت جوايا .. علي طووول معايا .. أكتر واحد بيحس بيا .. بيفهمني حتي من غير ما أتكلم .. انت اللي حبك جالي بعد سنين ضياع رجعني لنفسي تاني وداني بر الأمان ..


بحبها أوي .. أيوه بحبها ونفسي دايما اشوفها في عينيك - نظرة الرضا والحب دي - .. نفسي دايما أحس انك مبسوط ومرتاح ومش عايز حاجه تاني مالدنيا ..بحب أحس انك عايزني أنا وانك ملكي أنا .. وبحب أحس انني بتاعتك ..


عارف يا حبيبي .. بحب كل حاجه فيك .. هدؤك اللي علمني الحكمه .. وعقلك اللي عرفني ازاي افكر .. وقلبك اللي عرفني معني الحب .. بحب طموحك وبحب طيبتك .. بحب قوتك أوي ، القوه دي اللي ملاقتهاش في أي راجل غيرك .. قوه داخليه كده غير القوه اللي كل الناس بتتكلم عنها .. حتي لو في ناس عندهم القوه دي ، انت ممكن تكون اقوي راجل شفته في حياتي .. هادئ .. حليم .. بتعرف تاخد كل قرار صح .. وبتعرف تبقي جمبي قبل اي حد .. أخدت منك القوه دي عشان اقوي علي كل الناس الا انت ، ببقي دايما معاك عامله زي الطفله اللي بتهرب من الدنيا كلها ومش بتستريح غير في حضنك انت .. الطفله دي هي اللي مستحمله عيوبك كأنها طفله بتعشق أبيها مهما كانت عيوبه وأخطاؤه ..


بحبك بقد نضافة قلبك .. بحبك بجد .. بس عارف ، ساعات برضو بحس ان كل الحاجات دي مكنتش سبب في حبي ليك .. ساعات بحس انني حبيتك عشان ده انت ، ليه انت ، وازاي انت .. معرفش! بس اللي اعرفه ان مفيش في قلبي غيرك انت ولا عينيا بتشوف غيرك انت ..


اصحابي بيستغربوا اوي لما بيلاقوني عالـ facebook كاتبه انني in a relationship
ولما تيجي سيرة الحب .. وأقول يااااااه ، أنا بحبه اوي !! .. "ايه دا انتي مرتبطه يا هاجر ؟؟! " .. ساعتها بضحك أوي .. وأقول معلش ، أصلهم مفهموش لما قلت يوما انني مؤمنه بيك وهشوفك ..


أيوه ، مرتبطه !! .. بواحد لحد دلوقتي مشوفتوش ولا قابلته .. بس أنا عارفاه .. عارفاه كويس اوي .. أصل أنا مخلوقه من ضلعه .. ولما ألاقيه احنا بس اللي هنكمل بعض .. ساعتها بس هنرتاح ..


حبيبي .. ممكن تكون هتتأخر عليا شويه .. بس أنا عارفه انك جاي .. وأنا مستنياك .. هفضل أحبك لحد ما أشوفك .. هحافظ علي نفسي عشانك .. هبقي أحسن من كدا عشانك انت .. مش أنا ..
عشان بحبك .. أكتر من نفسي .. يا أقرب ليا من نفسي ..

** كتبتها من زمان .. ولما حبيتك لقيتك فيها ، ودلوقتي وقتها هنا .. عالبلوج .. :)

يــــارب ..

رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا

عن التسـامح .. وأشياء أخري ..!

رمضان قرب ؟! لأ لأ .. احنا في رمضان وفات منه كام يوم .. كل واحد فينا نفسه يغير كتير جواه .. ناس كتير بتفضل مستنيه الشهر ده من السنه للسنه .. فرصه للواحد يعيد حساباته تاني .. يقرب من ربنا اكتر .. يحط ملامح لأي حاجه متلغبطه في حياته ..

شهر عظيم مليان بروحانياته الجميله .. بيغير فعلا حياة وفكر الانسان بس لو حسبها صح ..

كلنا بنفكر نصلي .. نصوم ونزكي .. بس ساعات مش بنفكر في حاجات جوانا .. من بنفكر نبدأ من جوانا الأول .. مش بنفكر نقضي علي كل الكلاكيع السوداء اللي جوانا ونبدلها بأحاسيس ومعاني نضيفه اوي .. جميله اوي .. وتقربنا من ربنا أكتر .. وتعرفنا معني الحياه .. الحب .. ومعني العلاقات الإنسانيه ..

ليه مش بنفكر نزرع جوانا مشاعر كتير كبيره اوي ؟! احاسيس مش بنعرف نعبر عنها وأقل احساس فيها بيتوصف بكلمة " التسامح " ..
ليه كل حاجه في حياتنا بقت مليانه عنف وكراهيه وحقد .. وصراعات كتير ، مع ان الدنيا اصغر من كده بكتير بس احنا مش بناخد بالنا عشان دايما مش بنغير النضاره السوداء اللي لابسينها والفكر الضيق اللي مسيطر علينا ..

أقولك .. امسك تليفونك .. كلم كل اصحابك .. اطلب منهم انهم يسامحوك حتي لو علي حاجه انت مش مقتنع انك غلطت فيها .. اتعلم انك تبقي أقوي منهم .. اتعلم انك تبتسم وتسامح .. اتعلم انك تقدر تغير الحياه وتغير فكر الناس عنك .. وتكون ايجابي .. اتعلم ان حبك للبني آدم ده واحترامك ليه يطغي علي زعلك .. ويخليك تسامح وتحس مشاعر ساميه أوي .. راقيه أوي .. مبيحسهاش اي حد ..!!

ابدأ في رمضان .. وخليك محافظ علي التسامح وعلي المشاعر- اللي اكبر من انني اوصفها- بعد رمضان .. لاننا ببساطه نفس البني آدمين وهو هو ربنا في رمضان وفي شعبان وفي شوال ..

هبــه ســـافـرت ..

يعني خلاص ، مفيش حد بيحبني بجد من غير ما ينتظر مقابل .. مفيش أخت كبيره بتنصحني علشان مصلحتي أنا وبس ..

مفيش حد هسهر معاه للصبح علشان نتكلم سوا .. مفيش حد طيب وقلبه أبيض اتخانق معاه النهارده وتاني يوم نتكلم عادي ولا كأن اي حاجه حصلت .. مفيش حد هيتنرفز عليا أوي وازعل منه ومن جوايا لسه بحبه برضو اوي ..

خلاص كل حاجه بسهوله كده هتضيع !؟

أكتر من 17 سنه من عمري قضيتها معاكي ، صحيح فرق السن بيننا كان أقل من عمري كله بكام سنه يتعدوا علي الصوابع .. بس كنت بفهمك وتفهميني أوي ..

خلاص ، مفيش هبه !؟

خلاص ، مفيش معتصم اللي أول ما يدخل من باب الشقه أسمعه عمال يناديني .. وأول ما يشوفني يصرخ ويقول عااااايز حضن كبيييير اووووي ..

خلاص مفيش معتصم !؟ خلاص ، مفيش حد هيقعد يزعق لجدو او تيته لو حد منهم زعلني .. مفيش حد هيقوللي عارفه انا بحبك قد ايه ؟ قد الدنياااا دي كلها .. مفيش حد هيقعد يشتكيلي من مامته عشان ضربته .. ولا حد يقعد يرميلي الكتب من علي المكتب ويلعب مع زعبوله وبرضو مش بزعل منه .. ولا حد هيملا عليا حياتي ..

خلاص ، مفيش منه !؟ خلاص ، مش هلاقي واحده تقعد تقوللي علي فكره أنا بحبك اوي يا اااجر .. كنت بحبها اوي وهي بتنطق اسمي .. كنت بحب حبكم اوي ، اصل انتوا اللي علمتوني معني الحب .. الحب بتاع الاطفال ده ، حب نقي وطاهر وبرئ .. حب الطفل اللي لسه متعلمش الكذب والخداع .. بيحبك بس لمجرد انك بتحبه وحنين عليه وموجود في حياته .. بيحبك علشان ده انت مهما كانت عيوبك .. خلاص ؟؟ كل ده هيختفي ؟؟!

خلاص ، مفيش مايا !؟ خلاص ، مفيش حد يقعد يعيط ولما اشيله يسكت ويقعد يضحكلي ويحضنني ؟؟

مفيش التلاته دول اللي كانوا سر من اسرار حياتي !؟ وكمان مفيش هبه !؟؟

مش عارفه .. ليه دايما الواحد مش بيعرف قيمة الحاجه الا لما تضيع منه .. ليه بحب أبان قويه اوي .. ليه كنت من جوايا هموت واعيط وهي بتعيط وعماله تقولي خلي بالك من نفسك يا هاجر وحافظي عليها خلي بالك من نفسك اوي ، وانا عماله اقولها كفايه الميكب هيبوظ عايزاكي تسافري لهيثم اموره .. ليه بعد ما سلمنا انفجرت مالعياط .. ليه انا قلبي مقبوض مالخوف عليها دلوقتي ..

وحياتي هتبقي عامله ازاي بعد كده ؟؟

فرااااااااغ .. كانوا ماليين عليا حياتي اوي .. كنت بفرح واضحك واعيط معاهم .. وكلها هتبقي ذكريات هيفضل الواحد عايش عليها علي امل انهم ييجوا السنه الجايه وبرضو مش هييجوا .. وانا هفضل اعاني مالوحده ، بس وحده اكتر من اللي انا بعاني منها دلوقتي .. حياتي كلها ناس ، بس يا خساره كلهم زيف وكذب .. والناس الحقيقيه عمالين يختفوا ويتغيروا ويمشوا واحد ورا التاني .. هتوحشوني اوي .. انا تعبانه اوي .. من جوه تعبانه بجد ...

بس ،

يارب تتبسطي وتحققي كل اللي بتتمنيه هناك ..

عـن الديـابيـه والتيمـوريـه .. أتحدث ..!!

موجودين علي الساحه الغنائيه ، كل واحد فيهم بيجتهد ويبذل قصاري جهده علشان يقدم فن جميل .. رساله جميله للناس .. جواها معاني راقيه اوي ..

واحد منهم لقبه جمهوره بالـ super star ، موجود علي القمه بقاله 25 سنه عارف يحافظ علي نجاحه ده ويتحدي نفسه أكتر علشان ينجح أكتر وأكتر .. أكثر ما يميزه ما حققه من جماهيريه كبيره فاقت أحلام أي مطرب آخر.. عرف يجبر العالم كله علي احترام فنه ويخلي بعض الناس يلقبونه بالهرم الرابع لمصر ..

والاخر لقبه جمهوره بـ نجم الجيل مأكدين انه دايما بيغني اللي جواهم .. بيعبر عنهم اوي في كل أغانيه .. رغم انه ظهوره كان من سنوات قليله الا انه حقق جماهيريه عاليه جدا بفضل اجتهاده ..

انهم .. عمرو دياب و تامر حسني ..

قبل ظهور تامر حسني ، كان عمرو دياب علي القمه .. لكن كانت هناك منافسه - ضعيفة الي حد ما - مابينه وبين مصطفي قمر ومحمد فؤاد .. الا انه تحدي الكل وأثبت انه لا يوجد له منافس ولا منازع .. الي ان ظهر تامر حسني .. فرغم فارق السن الكبير ، أثارت مقارنتهم جدل كبير بين الشباب .. فكان تحمس الشباب لمطربهم المفضل هذه المره كان أكبر من تحمس المطرب نفسه .. وانقسم الشباب ، فمنهم من اختار ان يكون ديابي ومن اختار ان يكون تيموري !!

الغريب ان الشباب الديابي يكره تامر حسني ويهاجمه والشباب التيموري يكره عمرو دياب ويهاجمه !! رغم ان تامر حسني قال " عمرو دياب مثلي الاعلي ومدرستي، وانا بعتبر نفسي واحد من جمهوره الكبير .. ازاي تقارنوني بيه !!؟ "

بضحك كتير لما بشوف جروبات عالفيس بوك من جمهور عمرودياب بتشتم وتقلل من نجومية تامر حسني .. وجروبات اخري من جمهور تامر بتتجاهل مشوار عمرودياب وبرضو بتهاجمه ..!! هل هذا هو الحل ؟!! ان تتحول القصه لمعركه بين جمهور كل مطرب !!

أرفض هذه المقارنه الهشه ، مقارنه ليس لها أي أساس .. عمرو دياب فنان كبير .. وتاريخه يسبقه ، وتامر حسني فنان في بداية حياته الفنية .. استطاع في القليل من السنوات ان يظهر علي الساحه .. ويحقق نجاح غير عادي .. لكن كيف نقيم مقارنه .. بدون وجها للمقارنه؟!!

الجديد ان جمهور عمرو دياب بيهاجم تامر حسني مؤكدا انه بيقارن نفسه بعمرو .. وبيتحداه ، والدليل ميعاد صدور ألبومه !! فهم لا يعلمون ان المسئول عن طرح أي البوم هو المنتج .. والمطرب بمجرد توقيعه علي العقد هو أداه في ايد المنتج .. هو اللي بيخطط لصدور اي البوم وتوقيت النزول للسوق .. وأحيانا نوعية الأغاني .. ومن المعروف ان منتج تامر حسني الحالي هو نفس منتج عمرودياب قبل اتفاقه مع شركة الانتاج الحاليه ، فربما أراد ذلك المنتج منافسة عمرو دياب اللي كان زمان واحد من ألمع نجومه ، ولكن في سوق الاحتراف لا يوجد اي مكان للمشاعر ..

حاله من الدهشه تنتابني عندما أري كل هذا الهجوم .. ليه مش بنبص ان عمرو فنان وتامر فنان مينفعش يتقارنو ببعض .. وكل اللي يهمنا ألبوماتهم وفنهم اللي بيقدموه؟!

ليه مش بنبص للرساله الراقيه اللي بيقدموهالنا بفنهم ونبعد عن اي مهاترات تانيه؟!!

ليه ما بقيناش عايزين نستمتع بالفن أكتر ما بنتحارب علي اسم الفنان ؟!!

ليه مينفعش نكون جمهور وسطي .. يحب عمرو دياب وتامر حسني ؟؟!

ليه دايما بنقارنهم ببعض وهم اصلا مش في دماغهم ؟!!

ليه حماسنا الزايد خلق حساسيات مش في مكانها الطبيعي؟!!

أسئلة كتير مش لاقيه إجابه ليها .. بس أعتقد لو اي فنان عرف انه هيكون له جمهور متعصب هيسئ لشخصه .. مكنش اختار مجاله من الاساس !!

** المقال ده اتنشرلي في مجلة ميكانو الإلكترونيه - العدد الثالث - أغسطس 2009 .. وده اللينك :

http://www.mikanoo.com/do.php?id=1269

ومـازال الصـراع قـائــماً ..!!

أمازلتِ مقتنعه انه قادم ؟!!
أتعجب من موقفك واصرارك ..
ولكن .. اعذريني ..!!
اعذريني .. عندما يعلو صوتي ..
اعذريني .. عندما أكبت أوهامك .. وأوهامي ..!!
اعذريني .. عندما أخفي بكائي ..
اعذريني .. عندما أتظاهر بضحكاتي ..
أحاول ان أخرج من ذلك السجن اللعين ..
أحلم بكسر تلك القيود الحديديه التي التفت حول يدي .. وقلبي !!
أتظاهر بنسيانه .. ومازال يملك كل تفاصيلي ..!!
أتذكر كذبته اللعينه .. وأعود لعقلي ..
وأضحك بأعلي صوت .. لانني مثله ، فأنا أكذب بتظاهري نسيانه !!

عـن العــلاقــــات الإنســـانيه .. أتحـدث ..!!

قلت يوما لاحدي اصدقائي الذين يصيبهم حاله من الاحباط في ايجاد اناس يفهمونهم ، ويغنون كما قال تامر حسني " واحد .. اتنين .. تلاته يا عين .. والباقي بعيد عني " :

" في ناس.. بيبقوا عاملين زي الشمعه.. بيولعوا في نفسهم عشان ينوروا لحد تاني حياته..

ناس.. بيجوا علي نفسهم.. عشان يسعدوا اللي حواليهم.. بيلاقوا سعادتهم في اسعاد غيرهم..

ناس.. نضيفه اوي من جواها.. ناس.. دايما البراءه في عينيها.. أصلهم.. ناااس.. "

يعني مش معني اننا اتكعبلنا في شوية ناس مش عارفين يبقوا ناس بجد ان كل الناس كده .. لأ .. لسه في ناس بجد .. لسه في ناس بتحبك زي ما بتحب نفسها .. لسه في ناس ممكن تحتوينا .. تفهمنا .. تقدرنا .. صحيح هما قليلين ، بس لسه منعدموش .. مش عشان وقعنا مع ناس مش كويسين اننا نسلم الرايه البيضاء ونحط حاجز بيننا وبين الناس .. مش هينفع نتقوقع ونقفل علي نفسنا عشان مش هخينفع نعيش لوحدنا .. مش بيقولوا : الجنه من غير ناس ما تنداس ..!!

لازم نكسر الحواجز .. ونهد القيود .. لازم نقضي علي الوحده .. لازم ننسي شوية الناس اللي مش تمام اللي مروا علينا في حياتنا .. احنا لازم نتكعبل مع شوية ناس مش تمام .. لازم نتوجع ، بس الوجع ده لازم يدينا قوه وحكمه تعرفنا ازاي نختار صح بعد كده ..

من خلال تجاربي الانسانيه ، اتعلمت ان الآلام فعلا بتصنع الانسان .. مينفعش نخلي الألم ده يهدنا ..

لسه في ناس بجد .. بس احنا اللي ملاقناهمش ، لازم يبقي عندنا أمل اننا نلاقيهم .. لو اقتنعنا فعلا اننا هنلاقيهم يبقي هنلاقيهم لان كل بني آدم مننا عباره عن مغناطيس قوي هو اللي باءيده يحرك كل حاجه حواليه بس هو بيبقي مش واخد باله ..

عن العلاقات النضيفه بتكلم .. عن بني آدمين ساعات بنسميهم "عمله نادره" بس انا عندي قناعه انهم مازالوا موجودين .. عن معاني ساميه كتير اوي .. عن الحب .. الحنان .. الارتياح .. والاحتواء .. عن بني آدم بيفضلك عن نفسه .. عن حد بيحبك أكتر من نفسه .. عن ضعفك كـ بني آدم واحتياجك لـ بني آدم تاني يقويك .. وعنك لما بيضعف وتقويه ..!!

عن علاقات بتدينا دفا في عز برد يناير وبتبقي عامله زي النسمه الجميله في حر أغسطس !! .. معاني جميله أوي .. ساميه أوي .. نضيفه أوي .. بتخلينا نبص لبكره وناخد نفس عميق مصحوب باءرتياح داخلي غير عادي .. معاني جميله .. بتخلينا نحب الحياه .. نحب الناس .. وبتعرفنا يعني ايه أمل ..

أنا مش جايه أدي دروس في الأمل .. ولا بعرف أقول محاضرات في التنميه البشريه .. لكني ، عن العلاقات الانسانيه .. أتحدث !!

يا خساره ..

مكنتش أعرف انك حراميه .. أو يمكن كنت عارفه وبكدب علي نفسي ..!!

الموقف كان صعب أوي ، بس مكنتش فاكره انني هواجهك بكل القوه والجرأه والثقه والأدب معاً ..

يا خساااااره .. 5 سنين بدمع عليهم دلوقتي وكل ده عشان فلوس !! طظ في الفلوس .. طظ .. طظ .. طظ ...

زعـبــلـيــــــات .. 2

· بوست أخر من سلسلة الزعبليات الطويله .. وطلب من اللي مش فاضي بعدم القراءه .. لانه ببساطه موضوع شخصي ...

***

· الجزء الثالث من الزعبليات .. يااااااه ، ياما اتأجلت الفضفضه دي .. يمكن الورق كان حاسس ان في أحداث كتيره لازم تتكتب ضمن الجزء ده من المذكرات ولسه محصلتش .. جوايا كتير أوي .. قديم من قبل وجود الزعبليات أصلا .. وجديد لسه ممرش عليه الزمن ..!!

***

· كل الناس افتكروني بقول " وحشتني " دي لشخص موجود فعلا .. وأنا استمتعت بالخدعه اللي مكنتش أقصدها دي ..!!

***

· زهقت من الكلمه دي .. انتي ليه يا جوجو كاتبه عالبروفايل بتاعك انك In a Relationship? .. دايما التطفل بتاع الشعب المصري هو اللي بيوصلنا لكده .. برااااااااااحتي ، ده كان ردي ..!! في الحقيقه ، هي ليها مغزي معين .. مش هقوله دلوقتي .. هقوله في اي بوست قادم .. موضوع طويل بيحتاج مقال مش فضفضه ..!!

***

· Something inside me is always waiting ...

***

· واضح ان عنق الزجاجه ده ورايا .. ورايا .. حتي وأنا في الجامعه ..!! معلش ، محدش هيبقي دكتور بالساهل ..

***

· ياااااااارب ..

***

· قال الكاتب / محمد متولي يوما : " قبل .. وبعد .. وبعد ، ملل وسعاده ودموع .. انها الحياه " .. وقال ايضا : " كل من رآها كان يتسأل عن سر هذا التغير المفاجئ .. فتخبرهم : انه الملل .. الرغبه في التجديد ، ولكن بداخلها اجابه واحده : الرغبه في النسياااان " ..

***

· كنت كل يوم وأنا معاك فيه بتعذب .. بتألم وبتقطع .. عمال تجرحني وتتعبني وبعدها تقول آسف .. استحمليني !! وصبرت ، واستحملت .. وانت بغبائك وسوء نيتك قررت تبعد وتلبسني أنا الغلط .. مع انني مغلتطش ..!! وأنا بسذاجتي صدقت انني غلطت وحبيت أعتذر عن غلطي الوهمي الهلامي ده ألاقيك بتعاملني معامله في نفس مستوي غبائك ..!! في علاقتنا دايما كنت بتضغط عليا .. دايما كنت بحس ان انت بتحارب مش بتحب ..!! مش هقولك يمكن تكون معرفتنيش كويس .. لأنك معرفتنيش أصلا ..!! أنا مش زعلانه ، بالعكس .. أنا شايفه نفسي دلوقتي قويه اوي .. اوي ، وانت ضعيف بغبائك ..!! وتسامحي هو اللي هيخليني أقوي وأقوي .. وأقوي ..

***

· You didn't have to hurt me .. :'(

***

· دمعه هااااااربه ..

***

· انت كداب اوي بجد .. ازاي قادر تبين نفسك أنضف الكائنات وانت كلك كلاكيع سوداء غبيه ؟؟ والله بحاول أسامحك بس مش عارفه .... بس هحاول وهحاول .. وهحاول ... لحد ما أعرف ..

***


· I wanna be forgotten ..!!

***

· اللهم اليك فوضت أمري وعليك توكلت يا أرحم الراحمين ..

***

· انتي ازاي كده ؟! هو في كده ؟!! .. ماما ، بحبك اوي .. اوي ...

***

· وانت .. ازاي بتقول ان اكتر حاجه بتكرهها الكذب وسهل عليك تكذب ؟! ازاي بتقول ان اكتر حاجه بتوجعك الخيانه وانت بتخون !! خلطه غريبه من الكلام الفارغ داخل شخصيه عمرها ماكانت قد الكلام اللي بتقوله ..!!

***

· عن العلاقات الانسانيه .. سأتحدث ، قريبا .

***


· ان كان الحب هيرجعني لورا .. بلاه ...

***

· ومالو ؟! اضحك .. واضحك ... واضحك .... ودموعي نازله علي خدي .. وأنا بضحك ضحكة تحدي .. اضحك ، وكأن الضحكه بجد .. واستني ، واتمني اسمع ضحكه حقيقيه وسط الضحك المزيف ..!!

***


· Why ?!! .. whyy ?!! … just tell me why ?? whyyyy?? Whyyyyyyyyyyyyy????

***

· دايما بلف بلف .. وبتعب أوي ومليش سند غيركم .. لا حب نافع .. ولا اصحاب نافعين .. ولا شغل نافع .. ولا قرايب ولا زمايل .. ولا أي حاجه نافعه غيركم انتم ودراستي .. ودراستي انتم السبب فيها .. بحبكم اوي ، بعشق تفاصيلكم .. دايما بمشي في الدنيا بجبروتي .. مش خايفه ، عارفه ان دايما في اتنين ورايا مستعدين يفدوني بحياتهم .. عارفه ان ليا ضهر .. حنان ، أمان .. معاني كتير اوي مش بلاقيها مع حد غيركم .. يااااه وبابا واقف النهارده قدامي وأنا بعيط وحقه يزعق عاللي حصل وألاقيه يقوللي : معلش يا بنتي ، أنا عارف انك مظلومه .. يااااااه علي ماما اللي بتتمني تخلع عينيها وتحطهالي علي طبق من فضه .. يااااه علي حضنك يا ماما .. يااااااه علي نظرة الرضا اللي بشوفها قليل في عينيك يا بابا .. نفسي أشوف النظره دي دايما .. رغم انني عارفه انكم زي معظم أبطال البوست ده مش هتشوفوا الكلام ده ، بس وعد بيني وبين نفسي ، ولازم أنفذه : علي قد حبكم ليا علي قد ما هحاول اسعدكم .. وارضيكم .. نفسي أبقي ناجحه عشانكم .. نفسي أخليكم تطيروا م الفرحه .. زي ما عملتوني البني آدمه اللي كنت بشوفها دايما في أحلامي .. كل الناس شايفين انني معنديش مشاكل عشان انتوا ملايكه .. عشان كده الكل بيحسدني عليكم .. لأنكم رمز للملايكه في صورة بني آدمين .. يا ريتني أبقي ربعكم .. :)

***

· قد ايه بعشق الورد الأبيض .. :)

***

· NouR .. Really , I miss U .. I miss everything .. :'(

***

· منه شلبي .. مني ذكي .. أحمد السقا .. !!

***


· نفسي أربي قطه .. حاساها كائن جميل وحساس اوي .. حاسه انها هتحس بيا أكتر من البني آدمين .. معظم الناس لما حد يجيبلهم سيرة القطط .. أول كلمه ينطقوا بيها " غداره " .. وده لأنهم سطحيين .. دايما بيبصوا للحاجه من نفس الزاويه ..!!


***

· الصداقه .. كلمه كبيره هعجز انني اعبر عنها في كلامي .. بس انتوا بالنسبه لي كنتوا الحاجه اللي بتعبر عن الكلمه دي .. كنتوا حاجه كبيره اوي في حياتي .. أنا صحبتكم كلكم .. قريبه منكم كلكم .. واقفه جمبكم كلكم .. بحبكم أوي ، بس تعبت .. تعبت أوي .. افتكروا كده كام مره تكلموني عشان بس تطمنوا عليا ؟؟ ليه دايما أنا أسامه منير بالنسبه لكم ؟!! دا كل المسجات اللي علي الموبايل : هاجر محتاجلك اوي .. هاجر انا تعبانه اوي .. كلميني ضروري يا جوجو .. هاجر انا فركشت .. هاجر انا متخانقه مع ماما .. تعاليلي حالا .. هاجر انا هموووووت .. هاجر انا هتشل .. هااااجر .. انا .. انا .. انا .. انا .. أنا مش زعلانه من ده ، بالعكس دانا بفرح أوي لما بتدخل في حياتكم وبحللكم مشاكلكم .. بس ليه مفيش مره " انتي " ؟؟ ليه كل واحد هاموا نفسه بس ومش بيفكر في اللي قدامه ؟؟ ليه انا صاحبتكم بس انتوا مش اصحابي ؟؟ طيب بلاش دي ، ليه في ناس منكم مش بيعبروني غير وهم في مشكله او عاوزين يخرجوا ؟؟ ماسخه اوي علي فكره الحكايه دي .. ليه انا لما حصلتلي المصيبه الأخيره وانتوا عرفتوا حسيت منكم ببرود ؟!! .. دي كانت بتكلمني ياربي بمنتهي البرود ومحستش باللي أنا بعمله لما بتبقي واحده او واحد من الجروب ده زعلان .. دانا بموت نفسي عشانكم ومش بلاقي مقابل .. وفي الاخر تقولوا دي مش بتسأل ..!! قدروا اللي أنا فيه قبل ما تتكلموا .. خلوا خوفكم عليا أقوي من اي حاجه .. اقفوا جمبي في محنتي .. مش انا هاجر اللي مش بتعرفوا تزعلوا مني !! ولا هو كلام ؟؟ عارفين يعني ايه طعم فشل ؟؟ عارفين أنا حاسه بإيه دلوقتي ؟؟ عموما ، الحمد لله علي كل شئ .. ضاقت بيا آه ، بس عندي أبويا وأمي و نانا اللي كل محنه بعرف ان بعدهم مفيش بني آدمين بيحبوني .. علي فكره أنا بحبكم اوي .. عشان كده زعلانه اوي .. اوي .. وعارفه انني شويه وهنسي .. وهسامح ، ما انا هاجر ..

***

· رب ضرة نافعه ..

***


· قالت جنات يوما : " أنا لو مرتاحه معاه .. ايه اللي يخليني اتعب روحي او أقسي عليه "

***


· Mayoosh .. Walaa .. Ma5ateroo .. Roody .. Ice ..

مكنتش أعرف انكم بتحبوني اوي كده .. ربنا يخليكم ليا .. :)

***

· اتبسطت أوي بيها ، وكأنني عامله زي الطفل اللي بيجري ويتنطط لما باباه يجيبله لعبه كان نفسه فيها .. احساس حلو اوي ان حد يرسمك ، يسهر طول الليل عشان بس يحدد ملامحك من غير ما يكل ولا يمل .. بل بالعكس ده مستمتع عشان بيرسمك انت ..!! شكرا اوي .. شكرا علي كل حاجه .. :)

***

· I'm single .. not for love only but for more of things ..!!


***


· لأ ، انا ارفض .. انا هاجر زعبل ، وهفضل طول عمري هاجر زعبل .. هنجح وهكمل وهعيش وهتبسط .. ولا حد في الدنيا هيوقعني ..

***


· الشاي من غير سكر طعمه وحش اوي .. ومعظم اللي حوالينا زي الشاي .. لازم نحط عليهم سكر عشان نتقبلهم ..!!
***


· البحث عن نقطة دم .. فاضل ساعتين ولو متنقلش ليها دم هتموت .. ورغم كده عندها أمل ..!! بنبقي مش طايقين العيشه ، ونقول يارب خدني .. وحوالينا ناس متمسكين بالحياه لأخر لحظه .. عندهم اصرار رهيب .. هما دول اللي بيعرفونا معني الحياه .. ربنا يشفيها ويشفي كل مريض ..

***


· قلت يوما في لحظة غضب : " التسامح احساس قوي جدا .. ومش اي حد يحسه .. عارفه كل دا ، بس انا سامحت كتير اوي .. والمره دي مش هقدر اجي علي نفسي اكتر ن كده " .. بس بعدها اكتشفت انني مبعرفش مسامحش .. ودي واحده من نقاط قوة شخصيتي ..!!

***

· منا لازم أنسي .. ولازم أسامح .. ولازم أقوي .. ولازم أفوق ، وأقف علي رجلي م الأول وجديد .. وأبقي أحسن من الأول كمان ..



***

· الحمد لله ..

***

.... لا يا ice .. أنا مش جايه اشتكي عالبلوج ، بس أنا قبل اي بوست من دول بكتب انه شخصي .. اللي لسه عنده فضول يقرا هو حر .. وفي ناس بتمشي ومتقراش عشان دا شخصي ، هما أحرار برضو .. بس أعتقد ان مينفعش تكون حريتي معدومه في البلوج بتاعي .. أنا بحب أكسر أي حاجه تقيد حريتي ، ما بالك بقي ان دي حاجه بتاعتي .. ملكي ، أكتب فيها براحتي .. ومتخافش ، مش بفضح نفسي ولا حاجه زي مانت فاهم .. ببساطه ، لأن لو أقرب الناس ليا قروا الكلام ده مش هيفهموه كله .. ولا حتي لو فهموا منه مش هيفهموا هو لمين ولا ليه ولا اي حاجه .. ما بالك بقي من ناس متعرفنيش أصلا !! .. فـ عادي .. يا ابني محدش فاهم حاجه في أي حاجه .. وحتي لو الدنيا كلها فهمت i don't care :) .. أهم حاجه عندي انني لما أتجنن وأحس انني عاوزه انزل بوست مهما كان ابقي براحتي من غير قيود .. لانني بكره القيود ..!!

اوي ..

وحشتني اوي .. مش كفايه كده بقي ؟!!

فبأي ءالآء ربكما تكذبان

سورة الرحمن (26)

قـالــوا عـن الحـب ..

ناس كتير أوي اتكلموا عن الحب .. حاولو يوصفوا ملامحه .. حاولو يوصفوا الديناميكيه الجباره اللي فيه..
وانا اتكلمت معاهم ، يلا نشوف قالوا - وقلت - ايه :

تكلم هامساً عندما تتكلم عن الحب

( وليم شكسبير )

الحب جحيم يُطاق . . والحياة بدون حب نعيم لا يطُاق

( كامل الشناوي )

قد تنمو الصداقة لتصبح حباً ، ولكن الحب لا يتراجع ليصبح صداقة

( بيرون )

الحب جزء من وجود الرجل ، ولكنه وجود المرأة بأكمله

( بيرون )

الرجل يحب ليسعد بالحياة ، والمرأة تحيا لتسعد بالحب

( جان جاك روسو )

مأساة الحب تتلخص في أن الرجل يريد أن يكون أول من يدخل قلب المرأة .. و المرأة تريد أن تكون آخر من يدخل قلب الرجل

( بيرون )

من يحب . . يحب إلى الأبد

(أفلاطون)

الحب أنانية اثنين

(مدام دو ستال)

ما الحب إلا جنون

(شكسبير)

الحب ربيع المرأة وخريف الرجل

(هيلين رونالد)

إذا أحبت المرأة فعلت كثيراً ، وتكلمت قليلاً

(علي مراد)

الحب أعمى والمحبون لا يرون الحماقة التي يقترفون

(شكسبير)

الحب دمعة وابتسامة

(جبران)

ما أقوى الحب ، فهو يجعل من الوحش إنساناً ، وحيناً يجعل الإنسان وحشاً

(شكسبير)

الحب لا يعرف أي قانون

(بوريسيوس)

الحب وهم يصوّر لك أن امرأة ما تختلف عن الأخريات

(منكن)

الحب امرأة ورجل وحرمان

(بلزاك)

خير لنا أن نحب فنخفق ، من أن لا نحب أبداً

(تشيسون)

نتائج الحب غير متوقعة

(ستاندال)

الحب هو تاريخ المرأة وليس إلا حادثاً عابراً في حياة الرجل

(مدام دو ستايل)

الرجال يموتون من الحب ، والنساء يحيين به

(دوبرييه)

المرأة لغز ، مفتاحه كلمة واحدة هي: الحب

(نيتشه)

الحب زهرة ناضرة لا يفوح أريجها إلا إذا تساقطت عليها قطرات الدموع

(محمد عبد المنعم)

الحب أقوى العواطف لأنه أكثرها تركيباً

(سبنسر)

الحب هو الدموع ، أن تبكي يعني أنك تحب

(سانت بوف)

نظره بتاخدنا بديناميكيه عجيبه لأنجذاب قوي يصحبه لقاء رومانسي فيبدأ الحب وتزداد نشوة الحب يوما بعد يوم ومع اول سوء تفاهم تزداد الخناقشات والمشاكل وتظهر نكهة الغباء - نكهه رئيسيه - بطريقه غير طبيعيه في طعم الوجبه فتنتهي الحكايه بنظرة عتاب ثم وداع..!!
هذا هو الحب عندي..!! - مجرد حاله من الحب -
(هاجر زعبل)

الحب هو امتزاج كيانين في كيان واحد
(هاجر زعبل)

مات الحب اذا ما توج بالحريه..!!
(هاجر زعبل)

ليست التجربه الاولي دائما هي ما تسمي بالحب الاول !!
(هاجر زعبل)

اؤمن دائما بأن هناك روحا خلقت لي.. نصفا أخر لي في هذي الدنيا ، ربما يكن مصاب بالبله المغولي أو لديه حالة داون أو مبتور القدمين أو متسخ ومتقطع الملابس !! ربما يكن هنا في القاهره او في بكين او في لندن او حتي في جزر القمر !! هذا هو الوحيد الذي سوف يفهم تفاصيلي التي تشكل متاهات لأخرين .. ربما أقابله وأكن في أسعد لحظاتي معه وربما لا ..!!
(هاجر زعبل)

** المقال ده اتنشرلي في " مجلة ميكانو الالكترونيه " - العدد الثاني - يوليو 2009

www.mikanoo.com/do.php?id=1190

والعصفور صوصو..

ماما قالتله "سيب القطه" وخليها فـ حالها ..

ساب مدرسته ورمي كراسته وراح جر شكالها ..

راحت القطه مخربشه " ديله " لما مسك " ايدها " ..

وادي جزاة اللي ميسمعشي كلمه ماما تقولها..

** علي فكره دي مش مجرد تهييس .. بس أنا بشير لحاجه معينه ، اللي قرأ ما بين الأقواس بتركيز هيفهمها .. واللي مقراش كل سنه وهو طيب بقي :))

ناااس..

في ناس..

بيبقوا عاملين زي الشمعه..

بيولعوا في نفسهم عشان ينوروا لحد تاني حياته..

ناس..

بيجوا علي نفسهم..

عشان يسعدوا اللي حواليهم.. بيلاقوا سعادتهم في اسعاد غيرهم..

ناس..

نضيفه اوي من جواها..

ناس..

دايما البراءه في عينيها..

أصلهم.. ناااس..

يـــا الله ..

انت اللي ماليني وانت اللي حاميني
انت اللي رازقني وانت اللي هاديني
يـــارب صبرنـي علي بلــوه تبلينـي
يــــارب عوضنـي عن شــر آذينـي

حـالات مـن الحـب والغبـاء..!!

** المقال ده اتنشرلي في " مجلة كلمتنا " عدد مايو ، بعنوان " غباوه بعيد عنك " ..

عندما تدخل نكهة الغباء في وجبة عنوانها الحب ، بيبقي في مليون سؤال ومفيش رد ، مواقف كتير من حياتنا بتثبتلنا ان كيوبيد سهمه ممكن يكون طايش ، والمثل الشعبي مراية الحب عميا بيكون هو التفسير الصح وقتها ، بس امتي بقي هنتعلم نختار صح ونحب بجد ....

موقف 1 :

هي: وحشتني اوي.
هو: - باءستغراب- انتي مكلماني عشان كدا؟!!
هي: اصلك وحشتني اوي وكنت عايزه اطمن عليك ، هو انا عطلتك عن حاجه يا حبيبي؟؟
هو: لا ، كنت فاكر في حاجه مهمه.. عموما شكرا يا ستي ، تسلمي !!
هي: طيب يا حبيبي ، انا عارفه انك مشغول فـ مش هعطلك.
هو: طيب ، اوك.. يلا سلام
هي: خد بالك من نفسك.
هو: اوك ، وانتي كمان.. سلاااام.
هي: باي.

--------------------------------------------

موقف 2 :

هي: الو.
هو: ايوا يا حبيبتي ، وحشتيني اوي ، اخبارك ايه دلوقتي؟؟
هي: - بلهجه رخمه - وانت كمان ، انا كويسه.
هو: عجبك الورد اللي بعتهولك؟؟
هي: أنا أصلا مش بحب الورد.. ومش هعرف أهتم بيه ، وبعدين مالوش لازمه.. وانا متعودتش علي كدا.
هو: مانتي لازم تتعودي معايا علي كوووول حاجه جديده.. انا عايز أفرحك.
هي: - بطريقه رخمه - لا سلامتك كانت كفايه ، مالهاش لزمه الشكليات دي.. وانا مبحبهاش.
هو: معلش يا حبيبتي ، انا بس كان قصدي أقولك سلامتك وأفرحك وأخرجك من مود التعب اللي انتي فيه مش أكتر.. عموما ، أنا آسف.
هي: هو أنا بقولك كدا عشان تقوللي آسف يعني.. عموما تسلملي.

---------------------------------------------

انا مش هبتدي بدايه تقليديه وأعلق عالحدوته دي.. انا هسيب كل واحد ياخد انطباعه ويقول تعليقه لوحده..

بس نفسي أعرف..
ليه لما تحب أوي وتخلص أوي وتدي كل حاجه أوي تكتشف ان الحد اللي انت بتديله أوي دا ميستاهلش أصلا..
ولما تلاقي حد بيحبك أوي ويخلصلك أوي ويديلك أوي أوي.. تبقي انت أصلا مبتحبوش.. بتبقي مش حاسه..
ليه دايما نحب حد والحد دا يبقي بيحب حد تاني والحد التاني يبقي مش بيفكر أصلا فيه وفي نفس الوقت في حد بيحبنا واحنا مش حاسين بيه... وفجأه نلاقي نفسنا جوه دايره مقفوله..!!

طيب ليه كل واحد فينا ممكن يعيش ويموت بيدور علي لحظة حب حقيقي.. مجرد لحظه.. بس مش لاقيها؟!!
مش عجيبه دي شويه؟!! هو احنا اللي غلط ولا احنا بقينا في زمن اختفي منه الحب؟؟!
ولا يمكن شعار البني آدمين بقي زي قانون الضرائب كدا: مصلحتك أولا..!!
بحس انني عامله زي المجنون اللي نفسه يلاقي اجابه علي تساؤلات كتيره اوي عنده..

طيب عايزه اعرف ليه دايما أحبك ألاقيك تزهق مني.. تزهق من اهتمامي.. تزهق من تركيزي في تفاصيل بالنسبه لك صغيره وتافهه؟؟
طيب ليه اتقلي عليه يحبك؟؟ وليه سيبها تحبك حبها تسيبك؟؟
ليه عايزني اتغير؟؟ مش انت حبيتني كدا؟؟ هتغيرني ليه؟؟ عارف انا ممكن اتغير ، بس لو اتغيرت هبقي بارده.. هبقي حاجه كدا ملهاش طعم.. انا مش كمبيوتر هتحط الامر وتدوس enter يبقي كله تمام وعلي هواك..!!
انا بني آدم.. أنا لحم ودم واحساس.. ليه عايزني ابقي مش انا؟؟

طيب ليه شاغل بالك بالناس؟؟ ليه عايز الناس يقولو شوف دي بتحبه ، يااااه يا بخته!!
عمر الحب مكان كدا..

طيب ليه دايما الحاجه اللي في ايدينا مش بنعرف قيمتها غير لما تروح مننا؟؟!
طيب مدام هيا كانت في ايدينا ضيعناها مننا ليه؟؟

مليون سؤال وسؤال ، ومفيش اجابه واضحه.. عايمين في بحر من الحب والغباء..!!

لو مش هتحسني ، لو مش هتعرف تتعامل معايا.. خلاص ، ابعد عنني.. ومتبوظش طعم الحب بنكهة الغباء اللي بتمحي أي حاجه وكل حاجه حلوه..!!

بلاش تمثل الحب.. بلاش يبقي ردك " وانا كمان " لما أقولك بحبك ، بحسه رد بارد أوي.. لو مش حاسسها متقولهاش.. متطلعهاش من جواك غير لما تحسها وتحسها أوي كمان.. عشان يبقي ليها طعم.. عشان يبقي ليها معني.. بلاش تخلي قلبي زي الأصنام عشان ميعرفش يحسك ويدق بحبك!!

يلا نبعد عن بعض.. ونبعد نكهة الغباء اللي بوظت كل حاجه ما بيننا.. كل حاجه بقي طعمها ماسخ أوي.. الحب الطاهر ضاع لاننا معرفناش نخليه جوانا من كتر الغباء!!

وفيها ايه؟؟
هنتعب يوم.. يمكن اتنين.. بس هنتعلم نختار صح ونحب بجد عشان الحب لازم يكون أقوي من أي حاجه.. حتي الغباء!!
عشان كدا اللي بيننا مكنش حب ، الحب متبرأ مننا.. يمكن يكون في طرف فينا جاي علي التاني.. مش دي المشكله.. مشكلتنا اننا معرفناش نقضي عالغباء..

عشان كدا انا بفتخر انني قضيت عليه - الغباء - باءنتهاء العلاقه دي وبعلن انني اتعلمت كويس أوي ويوم ما هحب هعرف ازاي أقهر الغباء ، ولو حد فينا يوم جه عالتاني وجرحه اوي.. ربنا هيرد له جرحه.. وهيعوض التاني بحد يريحه أو يسعده.. او هيعوضه بأي حاجه تانيه..
أصلها دايره ولازم تدور وبتدور علينا كلنا.. وربنا كبير كبيييير أوي ، أكبر مما أي حد يتصور ، وكريم أوي..
وبكره كل واحد ينسي جرحه.. ويحب ويتحب ويلاقي اللي يفهمه ويقدره.. عشان الحياه أحلي بالحب..
بس لما تقولها.. قولها من قلبك.. قولها من جوه أوي..

**من أقرب ما كتبت الي قلبي،
هـاجــر زعـبـــل

.. things girls want guys to know

كـلمـــه فـي صـوره .. (2)

كلنا زي الورده دي .. نص في قمة الحياه ، جواه أمل مليان حنان ..
و نص مات خلاص ، مدفون في وسط الوف تاهوا وسط الزحام ..!!

زعـبــليــــــــات .. 1

- البوست دا طويل شويتين .. أهي شخبطه علي ورق حبيت أنقلها هنا ع البلوج لأي غرض في دماغي بقي !! يعني اللي مش فاضي ميعطلش نفسه عشان مش هيستفيد حاجه لما يقرا .. ممكن ميفهمش كمان !!

***

- وفيها ايه لما أسرح في حالي .. وأكتب عن شوية حاجات في حياتي ، مجرد لقطات أو لحظات .. بفرحها أو مرها .. بلذتها حتي لو كانت مؤلمه .. وبألمها حتي لو نهاية الألم ده رضا، سعاده ونجاح !!

***

when i need person to listen to me .. i take my pen & more papers then i try to write & write & write ...

الجمله دي بكتبها في أي موقع يسألني "about me'' سواء كان blog أو facebook .. الخ الخ ، مش فزلكه زي ما ناي كتير اتهمتني .. لكن الجمله دي مجاتش من فراغ .. بس محدش واخد باله عشان محدش في الدنيا يعرف علاقتي ايه بالورقه والقلم !!

***

- مبسوطه أوي انني صالحتك .. صحيح احنا مرجعناش زي الأول ومش هنرجع بالسرعه دي .. بس أنا كده مرتاحه .. أيوه ومرتاحه أوي كمان .. أوعي تكون فاكر ان أنا الأول كنت مبسوطه ، لأ، بالعكس أنا كنت زعلانه .. زعلانه من نفسي أوي وزعلانه مالدنيا أوي ، بس دلوقتي استريحت شويه .. لأ مش شويه بس دول شويه كتير كمان !!

**

- عارف مشكلتي معاك ايه ؟؟
انني شبهك أوي !! أيوه ، كأنني نسخه بالكربون منك .. ورثت كل حاجه .. بس الفرق ان انا ازرق وانت اسود !!
عارف ، طباعنا اللي زي بعض مخليانا مش عارفين نتعامل مع بعض !!
تعرف كمان انني بحبك أوي أوي ؟؟ فوق ما تتصور !! ومعتقدش انني بحب أو ممكن احب حد في الدنيا دي أكتر منك !! عشان كدا علي قد ما بحبك علي قد ما بزعل منك .. بزعل أوي أوي عشان عشمي فيك كبير أوي .. وجرحك غير جرح أي حد .. لان حبك في قلبي غير اي حد ..
عموما ، هحاول أصلح اللي اتكسر .. وآسفه .. بحبك أوي ...

***

study well or go to Hell ..

**

- دايما عندي تعطش للنجاح .. زمان كنت مبسوطه أوي بنفسي وبقول دانا صغيره اوي ع اللي انا فيه دا !!
بس دلوقتي ، حاسه انني معملتش أي حاجه ولا وصلت لأي حاجه ماللي نفسي فيه .. أنا لسه في أول سلمه .. ويمكن أكون قبلها كمان !! مش دا المهم .. المهم انني عندي قناعه انني هوصل لهدفي حتي لو بعيد وصعب المنال !!

**

- احباط أحيانا .. اصرار في أحيان أخري ، ضعف .. منتهي القوه ، أمل .. قمة اليأس ، فشل .. أعظم نجاح ،
خوف .. عزيمه .. حب .. اراده .. حزن .. سعاده ... طموح !!!

**

easy come .. easy GO ..

***

- عيد ميلاد " أحمد مختار " كان من كام يوم .. كان نفسي اروح اوي بس الظروف بقي .. قد ايه انا بحترم وبعز البني آدم ده ..
كل سنه وانت طيب يا أحمد .. :)

***

- صحيح انتي كمان مقصره معايا .. بس أنا مقدره ظروفك .. وحسيت دلوقتي انني انا مقصره معاكي أوي .. :( .. يمكن كل واحده فينا دراستها ودنيتها بتاخدها شويتين .. بس فعلا ملناش غير بعض .. مفيش اصحاب زينا ، لأ ، اسمها اخوات مش اصحاب !!
أنا مش زعلانه منك .. ولا عايزاكي تزعلي ، أول م السنه دي تخلص هنعوض بعض عن حاجات كتير أوي .. أيوه أنا عندي قناعه بكدا ، خلصي انتي بس الأول وان شاء الله كل حاجه هتتظبط ، وهنرجع نضحك ع الأيام دي أوي .. زي ما بنضحك علي أيام زمان بحلوها ومرها .. ونقول يااااه ، هو احنا كبرنا بسرعه اوي كدا ؟!! دا احنا اول امبارح كنا في kg 2 .. :D ..
وحشتيني أوي ..

***

- حبيبتي ، كل عقده وليها حلال .. ربنا يفك كربك ويسعدك يااااااارب .. وأشوفك دايما مبسوطه قد ما انا بحبك أوي ..
ان شاء الله هتنولي كل اللي في بالك .. :)

***

- كنت زعلانه عليك أوي .. أصل صحيح ضربتين في الرأس بتوجع .. وبتوجع أوي كمان ، بس عجبني فيك انك فقت بسرعه .. أو حتي لو مفقتش أوي .. بس أنا حبيت فيك القوه دي .. أصل مفيش حد بيوصل لمنتهي القوه الا بعد منتهي الضعف !!
ربنا ما يجيب حاجه وحشه تاني .. ربنا معاك .. من قلبي بدعيلك ..

***

- مش هقلكم علي حاجه .. عشان انتوا مش هتفهموني فـ ملهاش لازمه !!

***

- أوحش حاجه ، انك تآمن لحد أوي .. وتخلص له أوي أوي .. وتعمل كل حاجه أوي .. ويطلع عكس ما انت كنت متصور !!
وكمان يطبق مثل : " ضربني وبكا و راح اشتكي " .. غريبه أوي بجد !!

***

- علي فكره انا سامحتك .. سامحتك من كل قلبي ، دانا حتي نفسي نرجع أنا وانتي اصحاب زي زمان مش قرايب بس .. أصل مش معقول هفضل أعاقبك علي حاجه حصلت من أكتر من 3 سنين !!
بس ، تفتكري هنقدر؟؟ هنقدر نكسر الحاجز اللي ما بيننا ونبتدي من جديد ؟؟!

***

- هو احنا ليه بعدنا أوي كدا ؟؟ هو يعني عشان كل واحده فينا راحت طريق مش هنلاقي طريق يجمعنا ولا ايه ؟؟!

***

- ساعات بتكون الحاجه صغيره أوي أوي ، بس تفرح الواحد أوي أوي .. وساعات بتكون الحاجه كبيره أوي ، بس متفرحناش زي الحاجه الصغيره !!
تفاصيل بسيطه أوي .. بس بتفرق معانا وعمرنا ما بننساها ...

***

- بس أنا مش زيهم ، أنا غيرهم كلهم !! يمكن أبان من بعيد شبههم في حاجات كتير .. بس لو دورت جوايا هتلاقيني عكسهم !!
أنا أحسن منهم .. كلهم !!

***

- هو ليه معظم الناس بقي شعارهم في الحياه زي قانون الضرائب الجديد كدا : " مصلحتك أولا " ؟!!

**

- وبيطبقوا مبدأ " مع الرايجه " أو بمعني أصح " معاهم معاهم .. عليهم عليهم " .. يلا أهو كله برتقال !!
ربنا يكفينا شرهم وشر أنفسنا ..

***

- مشكلتك انك مفهمتنيش .. أو يمكن تكوني معرفتنيش كويس ، محاولتيش تعرفي قيمة اللي في ايدك ..
وانا مشكلتي انني اخترت غلط .. بس انا مش زعلانه .. اديني بتعلم ، انا بس اللي مضايقني شويه انني كنت بحبك أوي .. بس عادي ، مش هلومك ولا هبرر .. مش مشكلتي انه حبني ، أنا موعدتوش بـ أي حاجه ..

**

- أوحش حاجه انك تبقي بتتعامل بطيبه و بـ صفو نيه .. وتكتشف في الأخر ان الطريقه اللي انت بتتعامل بيها دي ممكن تخليك تعمل حاجه غلط وانت مش واخد بالك !!

***

- هو انتي ليه دايما فاكره انني عشان أنا بقيت كدا .. وانتي بقيتي كدا انني هتغر أو هتكبر أو هتغير !! .. أنا عمري ما كنت كدا ، ولا هكون كدا أبدا ..
بس انتي بأفكارك دي اللي بعدتيني عنك !! .. عموما ، أنا هاجر ، فكري في الكلمه دي كويس أوي قبل أي حاجه ..

***

- وهو احنا من امتي كنا اصحاب ؟؟! أو بتربطنا أي علاقه !! هو مين اداك الحق أصلا انك تتكلم ؟؟!!
أنا عمري ما هنسي انك كنت ندل أوي معايا .. عمري ما هنسي كلامك عني في ضهري .. تعرف انك بجد بقيت صغير أوي في نظري ..
بس صدقني ، هحاول اسامحك !!

***

- بتفكريني بيا و أنا صغيره !!
نفس الذكاء .. نفس الحركات .. نفس الرخامه .. نفس الدماغ الكبيره .. نفس الشخصيه .. نفس التفاصيل !!

***

- عندما تحب عدوك .. يحس بتفاهته .. !!

***

- وحشتيني .. وحشتيني .. وحشتيني ، وحشة الفيل في الغابه :D ..

***

- هو انتي ليه كدا ؟؟!
خطفتي حبيبها وحبتيه .. وظلمتيها أوي ، وعماله في الرايحه والجايه تضايقيها .. وكمان زعلانه انني قاعده معاها !!!
وبعدين تعالي هنا ، من امتي أنا بتعامل مع حد كدا ؟! أنا أصلا مبحبش الهزار بالطريقه دي وأخلاقي متسمحليش وقلتلك مليون مره .. ولا هي كمان مش بتحب كدا .. صحيح كنتي أقرب ليا منها ، بس هي صح وانتي غلط .. وهي صعبانه عليا أوي ..
تعرفي انها كانت هتعيط النهارده منك .. حرام بقي ، بجد كفايه .. كفاايه .. كفااايه ...

***

- آه ، عارفه انني ظلمتك .. ظلمتك أوي وانت معملتش كدا ، وعرفت مين اللي عمل كدا كويس ..
أنا قلتلك قبل كدا سامحني .. أول مره أحس انني وحشه كدا !! أنا ظلمتك مع انك معملتليش حاجه وحشه .. مش ذنبك انك خليتني أشك فيك ، بس ذنبي انني شكيت لدرجة الجنون !!! .. آسفه ، بجد آسفه ...

***

- تعرفي انك وحشتيني أوي .. أوي بجد ، انتي عزلتي ليه ؟؟ كنا قريبين أوي من بعض .. فرقتي معايا أوي أوي بجد ، نفسي أترمي في حضنك وأقعد أعيط .. بس محدش عارف ربنا عمل كدا ليه ، يارب تكوني بخير .. :)

***

- مش عارفه ليه قفلت منكم كدا !!
يمكن هي معملتليش حاجه .. وانتي كويسه معايا شويه .. والثالثه عايشه دور الهبل !!
بس مش عارفه ليه بشوف الغدر جوه عنيكي !! والثانيه ، مش قادره أنسي موقف لما كنت بعيط وهي طايره م الفرحه وسابتني ولا فرقت معاها .. أو حرام ، ممكن تكون الفرحه عمتها ومخدتش بالها .. بس تعرفي ، الموقف دا جرحني أوي .. المشكله كمان ان احنا مبقناش قادرين نرجع زي الأول .. وانتوا مش فاهمينني وأنا تعبت .. بجد تعبت ومش عايزه أهرب .. ولو واجهت ، محدش هيحس .. محدش هيفهم !!

***

- زعلانه من كلمتنا بردو مع انهم صالحوني !!

**

- كنت فاكراك ظالمني ، واتاريك اللي كنت ناصفني !!
في وجودك عمري ما مليت ، ولا اشتكيت .. وبعد غيابك بجد بعاني !!

**

- تعرفي انني لما بقعد مع نفسي .. و افكر .. وافتكر المجله .. بعرف ان انتي البني آدمه الوحيده اللي طلعت بيها من المجله دي بجد ، ناس كتير " مصلحتك أولا " ، وناس باصه في المرايه علي طووول !! .. بس في ناس كويسين أوي و يتحطوا ع الجرح يطيب .. بصراحه ، انتي أول واحده فيهم .. واحده من الناس اللي بتسيب أثر في حياة البني آدم مش زي اللي بيعدوا زي الهوا .. فرااااغ ، ولا كأن حاجه حصلت !! ..
حنان العسيلي ، بحبك .. بحترمك .. بقدرك .. أوي .. :) ..

***

- زعبوله .. ذلك الهيكل العظمي ، مكنتش أعرف انه هياخد حيز كبير في حياتي كدا !!

***

- أخذت نفس عميق ثم أخرجته ببطء .. نفسك في ايه ؟؟ .. سؤال ملح دايما علي كل واحد مننا !!
مممم ، نفسي أنجح ، لأ .. متفهمنيش غلط !!
أنا مش بتكلمى ع الدراسه بس .. أنا نفسي أنجح في كل حاجه في حياتي .. انت .. دراستي .. موهبتي .. علاقاتي مع ربنا وأهلي وأصحابي .. وكل حاجه !!
المشكله انني اكتشفت ان محدش بينجح في كل حاجه !! يعني عشان انجح في حاجه واحافظ عليها أوي لازم اتخلي عن حاجه تانيه .. أو أبعد عن حاجه عشان حاجه تانيه بحبها تستمر !! .. وأنا هختار ، هختار اللي يريحني ..

***

- تظل " بكلمه منك " هي أغنيتي المفضله .. لكن الكوبليه المفضل هو اللي اتغير !!

***

- صاحيه الصبح بتسمع ميتال .. مش عايزه تسرح في الطريق ولا عايزه تفتكر أي حاجه !! مش عايزه تفتكر ذكريات مؤلمه ولا حتي جميله !!
اليوم أهو بيعدي زي كل يوم .. مفيش جديد .. :S .. وفجأه وبدون أي مقدمات .. ميزان حياتها اتقلب .. شوية حاجات اتغيرت .. للأحسن .. الحمد لله .. :)

**

- ياااااه ، فعلا ربنا دا كبير .. كبير أوي وكريم أوي .. وحنين علينا أوي أوي ..
أنا دلوقتي بس عرفت قيمة الجمله اللي ماما كانت دايما بتقولهالي " أصل ربنا ميرضاش بالظلم " .. فعلا ، ربنا عوضني وعوضني جامد أوي كمان .. صحيح الدنيا بتلغبط مع البني آدم مننا شويتين ، وممكن يتكعبل في حياته بشوية بني آدمين آشبه بالحيوانات .. شوية ناس مش تمام وشوية مواقف مش حلوه .. بس ربنا بيعوضه عن دا جامد أوي ..
المهم ان انا دلوقتي مرتاحه أوي .. الحمد لله ..

**

i wanna hold you high & steal your pain away ...

**

- وعلي رأي شعبان عبد الرحيم ، " بس خلاص " .. أنا كده خرجت حاجات كتير أوي كانت جوايا .. بحلوها ومرها !! .. عايزه افضي كل حاجه جوايا وابدأ من هنا .. من جديد ..
مش مهم كل اللي فات ، المهم انني مبسوطه ..

ولو في حد زعلني .. أنا مسامحاه ... و لو في جرح .. أنا هنساه ...

حاله غير عاديه من السلام النفسي .. هتدووم باءذن الله ..

ماما .. بحبك أوي

ماما.. بحبك أوي، ومش متخيله حياتي من غيرك..
مش هوصف وأقول ان حياتي هتبقي جحيم.. ولا هستخدم صيغة مبالغه عشان أوصللك قد ايه هتكون دمار..!!
بس اللي أقدر أقوله انك أجمل حاجه في حياتي.. أحن انسان عليا في الدنيا دي.. أكتر حاجه معرفاني ان الدنيا لسه بخير هو وجودك فيها.. يا رمز الحب في صورة انسان.. بحبك اوي..

ماما.. كلمه بسيطه من 4 حروف لكنها مفتاح لأي حاجه مقفله قدامي..
ماما.. هي اللي لما الدنيا بتضيق بيا أوي بجري وأترمي في حضنها الدافئ اللي بيديني الأمان..
ماما.. أكتر حد بيزعل ويتألم أكتر من نفسي لجرحي، وأكتر حد بيفرح من قلبه لفرحي..
ماما.. مفيش مخلوق يقدر يستحملني ويسامحني قدها..
ماما.. مفتاح بيحل لي أي مشكله قدامي.. ماما.. سر حياتي..!!

انتي السبب في كل حاجه جميله حصلت في حياتي..
انتي اللي دخلتيني الكليه اللي انا كنت عاوزاها رغم ان مجموعي مجبهاش واتحديتي الكون دا كله عشان تحققيلي واحد من أحلامي اللي ملهاش حدود..
انتي.. وانتي وانتي... يااااااااااه.. كل حاجه جميله في حياتي مرتبطه بــ "ماما".. بحبك اوي.. وكلمة بحبك دي قليله..

ماما.. عاوزه أقولك "آسفه".. عارفه انني ساعات بزعلك، وانتي بتكوني خايفه عليا أوي.. بس بتلف الأيام والدنيا بتثبت لي انك كنتي صح وأنا اللي غلط.. أنا آسفه بجد.. بس اللي مطمنني انني عارفه انك أطيب قلب وأحن مخلوق في الدنيا دي، وعمرك ما بتشيلي مني في حاجه أبدا..
لو الناس فاكرين حبك ليا ضعف،، فــ ده منتهي القوه في عينيا..!!

ماما.. بحبك أوي.. وبجد مش متخيله حياتي من غيرك..
ربنا يجعل نهايتي قبلك، لأنني بجد من غيرك حياتي مش هيبقي ليها طعم.. ولا لون..
ولو بصيت في عيون كل الناس اللي حواليا وحسيت قلوب البشر مش هلاقي مخلوق واحد جواه الحب دا ليا..
ساعتها هعيش بقلب ميت.. قلب عايش عشان يدق بس مش قادر يحس..!!

ربنا يخليكي ليا.. كل سنه وانتي أجمل وأعظم أم في الدنيا دي كلها..

زي ما انتي كتباها علي موبايلك:
حبيبة قلبك / هاجر زعبل

كل سنه وانتي.. أنا..

كل سنه وانتي حبيبتي..

كل سنه وانتي أجمل وأرق وأطيب وأحن انسانه عرفتها في حياتي..

كل سنه وانتي أقرب ليا من نفسي..

كل سنه وانتي نسمة الهوا الجميله اللي بتيجي تمحي آثار أغسطس الحار..

كل سنه وانتي الملاك اللي بيعرف يرسم علي شفايفي الابتسامه من غير زيف ولا كذب..

كل سنه وانتي " أنغام " قلبي..

كل سنه وانتي.. أنا..

وبحبــك.. وحشـتينـي..!!

** المقال دا اتنشر لي في مجلة كلمتنا عدد " فبراير 2009 "
هو عباره عن رساله بتحمل جواها احاسيس مليانه بالغربه والوحده.. حد مش لاقي نفسه، رغم كل الناس اللي حواليه حاسس انه لوحده..

صديقتي العزيزه نانا،
مش هبتدي جوابي ليكي بدايه تقليديه زي كل مره.. المره دي محتاجه أفضفض معاكي شويه..
وحشتيني أوي، وحشتني الفضفضه معاكي، وحشتني روحي اللي أخدتيها وياكي لما سافرتي وسبتيني لوحدي هنا..
يمكن انتي حاسه بغربه فظيعه.. بلد غير بلدك وناس غير أهلك وعادات وتقاليد وطباع.. وحاجات كتييييير مختلفه.. وليكي حق..

عارفه.. أنا كمان حاسه بغربه !! احساس غريب اوي، عمرك حسيتي بيه؟؟
عمرك حسيتي بوحده وسط الناس؟؟ عمرك حسيتي بغربة النفس؟؟
تخيلي تبقي قاعده مع ناس من سنك وجنسك ولونك ووطنك وحاسه انك غريبه عنهم.. مش قادره تنسجمي معاهم.. حاسه دايما فيه حيطه بينكم وصعب انها تتهد..!!

تخيلي تبقي قاعده مع أهلك وأقرب الناس ليكي وحاسه انهم مش فاهمينك ولا انتي عارفه تتواصلي معاهم.. انا بقيت دايما حاسه بكده ، بعدك مش لاقيه حد انسجم معاه ، مش لاقيه حد يفهمني.. حاسه دايما في حاجه نقصاني ومحتاجاها اوووي..
برغم كثرة الناس اللي حواليا بس في تفاصيل كتيييير اوي ممكن تكون صغيره بس انا مفتقداها..

عارفه يا نانا.. اكتشفت ان الوحده مش بعدد الناس اللي حواليا ، الوحده دي بكم الغربه اللي لاقيتها جوايا بعد اختفاءك من حياتي.. حاسه انني غريبه مش من هنا ومش لاقيالي وطن.. وبفضل تايهه لحد ما ألاقي الوطن ده..!!
يمكن الناس الكتير دول بيخلو يومي يعدي.. لكن بحس ان مش انا اللي عشت اليوم ده !! لدرجة انني بقيت حاسه ان ممكن يكون في حياه علي المريخ او اي كوكب تاني وانا تابعه للكوكب دا ولا امت بصله لكوكب الأرض !!

أنا حاسه انني خلاص بقيت غريبه وسط المكان.. كأنني في عز الضهر في يوم من أيام شهر أغسطس وكل الناس حرانين وأنا لوحدي اللي بردانه.. بردانه اوي ونفسي في حضن يديني الدفا ومش لاقيه دا في كل اللي حواليا..!!
مبقتش عارفه أصدق الناس اللي حرانه ولا أكدب علي نفسي اللي هتموت مالبرد !!
انا بقيت خايفه بعد كدا أتعود علي طعم الوحده واستلزها زي الشيكولاته !!

أنا عارفه انني تعبتك وانتي بتقري الكلام دا.. وعارفه انه مش هيغير حاجه.. هتفضلي انتي بره عشان دراستك واسرتك الصغيره وانا هفضل هنا.. مكاني.. بعيده عنك..

بس بوعدك مش هستسلم للوحده.. هحاول أدور عالدفا.. هحارب الدنيا حتي لو هشق السما عشان أوصل للشمس أخد منها الدفا مش هتردد !! هصارع الليل عشان يجي النهار ينورلي حياتي من جديد..
هحاول.. هجرب.. وهتحدي نفسي.. وهحاول اندمج وسط الناس يمكن ألاقي وسطهم حد يحبني بجد.. حد يفك طلاسم شخصيتي.. حد مستعد يملا الفراغ والوحده ويمحي الغربه اللي جوايا وساعتها بس هوصل لبر الأمان.. ساعتها هلاقي نفسي وهلاقي الوطن.. وهبعتلك أطمنك عليا..

أختك الصغيره
هـــاجــــر

ربـاعيـــاتـي.. (5)

اجري يا ولدي وشوف مصيرك
لا الحـب والهـوي راح يفيــدك
شوف دراستك بـص لمستقبلك
بكـره بشهادتك ترســم طـريقك

بـحـبـــك يـا كـلمــتـي..!!

**الرساله دي كانت مني لمجلة كلمتنا في عدد شهر يناير بمناسبة / عيد ميلادها...:)

متابعاكي من زمان أوي.. من حوالي 5 سنين..

كنت صغيره بس انتي اللي حببتيني في القراءه.. وفضلت أتابع كل عدد من أعدادك.. وكبرت معاكي ووسعت مداركي بالنسبه لسني الصغير !!
علمتيني معني الاراده والنجاح.. غيرتي فيا حاجات كتيييييييييير للأحسن.. لمست بين سطورك الابداع الحقيقي..

وعشقت الكتابه من خلال تأثري بشبابك المبدع، حقا هما دول " الكلماويه" اللي ممكن يغيروا أي حاجه جوه أي حد متابع المجله الجميله دي..
وأول ما خلصت الثانويه العامه حبيت أجي وأكون واحده من الكلماويه دول.. صحيح مجال دراستي في الجامعه مجال علمي يبعد كل البعد عن الصحافه لكن انتي قدرتي موهبتي واحترمتيها وبقيت واحده من الكلماويه وخلتيني يا كلمتنا أنول الشرف دا :)

وفي عيد ميلادك التاسع عايزه أقولك بحبك أووووي يا كوكي وكــل سنه وأنتي طيبه وتفضلي دايما أجمد مجله شبابيه في مصر كلها.. تفضلي دايما واقعيه، جريئه، شبابيه، هادفه ومؤثره لحد العدد رقم 1000,0009

ربـاعيـــاتـي.. (4)

حبيت عينيـا عشـان شفتهـا
حبيت ايديـا عشـان لمستهـا
حبيت روحي عشـان ملكتهـا
تفاصيل بسيطه هفضل احبها

** نشرت لي في مجلة كلمتنا - عدد ابريل 2009

كـلـمــــه فـي صـوره.. (1)

أحلي حاجه ان الواحد لما يبص للحاجه ميبصلهاش من بره بس..

أجمل شئ اننا نتأملها.. ندخل في تفاصيلها.. ندخل في عمقها..

مش كل حاجه نبصلها بسطحيه..!!

البنت قاعده بتفتكر ذكرياتها مع القطر اللي كانت ركباه في يوم من الايام..

بس للأسف

وقعت منه.. او يمكن هو من كتر سرعته وقعها..

وهي بقت لوحدها.. عايشه ع الذكريات.. وهو مشي وشاف طريقه بأقصي سرعه ولا فرقت معاه حاجه..

وهي لسه هنا مكانها.. ممكن يكون لسه عندها أمل انه يرجع رغم انه مشي وخلاص عمره ما هيرجع..!!

قاعده مستنياه وقمة الامل في رجوعه.. رغم انها متأكده انه عمره ما هيرجع..!!

وممكن تكون قررت تعيش ع الذكريات..!!

مش عارفه..

بس اللي عارفاه ان اكتر حاجه جميله في الصوره انها بتخلينا نفكر..

فيها معاني كتير اوي..

خوف.. حزن.. ألم.. ضعف.. انكسار..
ورغم كل دا.. أمل..!

ساعات بتضعف.. وساعات بتقوي..

البنت هنا باصه للسما..

النظر للسما دا قي حد ذاته بيحمل بين طياته معاني كتيييييره اوي..!!

حزن.. ضعف.. وانكسار..

ولما الدنيا ضاقت بيها.. والقطر فاتها ومشي.. لجأت لربنا لانه كبيييير .. كبير اوي اكبر مما اي حد يتخيل..

النظر للسما فيه يأس ممزوج بشوية أمل في ربنا .. حتي ولو ذرة أمل..!!

النظر للسما فيه ندم علي امبارح وتفكير في بكره..

فيه معاني كتير اوي..

يااااااااه.. انا لو مسكت الصوره وقعدت اتكلم عنها مش هخلص كلام..

بحب الصوره دي اوي..

بحب دايما الصور اللي بتأثر فيا وتخليني أفكر فيها بعمق..

تــاااج .. 1

** دا أحلي تاج عشان بس من " ضد التيار " ..:)
ورغم انني مش بحب احل التاج ، بس انا هجاوب عشان خاطرها بس ..

1- لو كان ينفع تختار عصر تعيش فيه هيبقي انهي؟ ومين الحاكم؟

- عصر سيدنا محمد - عليه الصلاه والسلام - وهو يكون الحاكم.

2- أول أولويه في حياتك؟

- الأولويات مش دايما ثابته.. بتتغير بالزمن وبتغير فكر البني آدم..
لكن بالنسبه لي حاليا أولوياتي بالترتيب: مستقبلي، عائلتي، أصدقائي.

ولو مرتبطه يبقي حبيبي.

3- أكتر حاجه بتحبها في رمضان؟

- الروحانيات اللي فيه.. :) ، واللمه.

4- أوصف أجمل فطار ممكن تفطره؟

- فطار اختار فيه كووووول الناس اللي بحبهم يكونوا معايا حتي لو ميعرفوش بعض.

5- لو انت حاكم هتكون عادل؟ وهتعرف ازاي؟

- مفيش حد كامل، بس في حاكم بيعمل كل اللي عليه وأنا لو حاكم لازم أخد بالي من الموضوع دا كويس اوي، ولو حسيت في لحظه انني قصرت هسيب الحكم..
- هعرف ازاي بقي فــ ده هيبقي " احساس ".. لو انا ظالمه هشوف الظلم ده في عيون الناس..

6- مين أكتر اعلامي بتحبه؟

- محمود سعد.
- عمرو أديب.

- مني الشاذلي.
- أسامه منير.

7- لو ممكن شغلانه تانيه تختار ايه؟

- من الناحيه دي بقي فــ انا مختاره حاجات كتير اوي.. :D
الطب و الكتابه و الرسم..
لو هختار حاجه غيرهم تبقي الاذاعه او او او ، الخ
اصل السؤال دا لوحده ممكن أقعد اتكلم فيه عن أحلامي اللي ملهاش حدود وادوشكم معايا.. :)

8- تاني بلد تحب تعيش فيه بعد مصر؟

- برضو مصر.. :)

9- اوصف ترتيبات أجمل فرح ممكن تحضره؟

- العريس يهرب في الزفه والعروسه تجري وراه.. :D :D :D
- لا بجد مش بحب ادخل في الترتيبات دي.. بحس ان هي كركبه ومعنديش خبره فيها.. :)
بس نفسي فرحي يكون بالنهار في وسط مكان كله شجر .. :)

10- بتراعي كلام الناس والقيل والقال؟ وليه؟

- طوول مانا شايفه انني ماشيه صح مبيهمنيش كلام أي حد مهما كان..
لكن لو لحظه حسيت انني غلط في حاجه هعالجها الأول بنفسي لو مقدرتش في ناس معينه بحب اخد رأيهم وبيقنعوني.. وغالبا بعرف اعالج كل أموري بنفسي.. :)

11- صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟

- لا ، الحياه هتبقي صعبه اوي.. هتعب نفسيا لانني بحب التكنولوجيا..
- واعتقد ان الاتصال بالحمام الزاجل مش سهل.. تخيلوا لو الحمامه جرالها حاجه في الطريق.. :D :D

12- السعاده هي ... ؟

- راحة البال.
- الرضا و القناعه.
- النجاح.
- حب الناس.

13- عندك أمل؟ وأسبابك؟

- حتي وأنا في أسوأ حالاتي النفسيه بيكون الأمل جوايا..
- أسبابي هي " ايماني بــ ربنا ".. :)

14- لما تحب تهرب من كل حاجه بتروح فين؟

- في مكان بحب أروحه أوي لوحدي.. لما بتمشي هناك بستريح نفسيا أوي.. ولما بسافر ، البحر برضو بيهديني أوي..

15- امتي أخر مره أخدت فيها نفس وقلت ياااااه أنا كبرت؟

- لما دخلت الجامعه ، مش لانني حسيت انني كبرت.. لا .. انا بس حسيت ان الايام جريت بيا بسرعه أوي..
لكن لو عالكبر.. فــ دا مش بالسن.. وممكن أكون باخد النفس دا كل يوم لأن الواحد بيكبر باللي بيتعلمه في بحر الحياه..

16- بتشرب سجاير ولا لا؟ وايه رأيك في الستات والرجاله اللي بيشربوا؟

- لا مش بشرب.
- رأيي ان السجاير عاده مش سلوك.. وهي حريه شخصيه..

17- بتعرف ايدك الشمال ازاي؟

- مش بمسك بيها القلم :D :D

18- أكتر آله موسيقيه بتحبها؟

- العود.
- الكمان.
- الجيتار.

- درامز.

19- ليه الزوق والنخوه اتعدموا؟

- هما لسه موجودين.. بس مش عند كل من جنسه في البطاقه " ذكــر "..!!
- هما عند الرجاله اللي بجد.. مش الرجاله اللي ماتوا في الحرب او راحوا في الوبا مع هنادي :)

20- ايه الحاجات اللي لو حصلت هتبقي سعيد؟

- أحقق كل أحلامي..

21- تحب أرض زراعيه ولا اجنس عربيات ولا كام عماره ولا فلوس في البنك؟

- كام عماره.. لانني بعشق المجال دا زي بابا.. :)

22- تحب البحر ولا النيل؟

- النيل.. عشق، بس البحر.. حياه.. وانا بحب الحياه :)

23- مركب ولا طياره؟

- مركب.. ساعتها هحس بمتعتة السفر :)

24- شخص مجنون ولا عاقل؟

- قمة العقل ومنتهي الجنون..!!

25- تقرا كتاب ولا تتفرج علي فيلم؟

- مش ثابته.. علي حسب المود.. وعلي حسب المؤلف والشخصيات.

-- اهداء التاج --

أنغام علام

فارس القمر

ساره

دينا حامد

رومنسي

مخه لاسع

مجنووون

حاسوباتيه

لحظة تأمل

بسنت

كيارا

catroz

afew good men

princess

dalia

momken

hanin

white heart

حـلــــم.. مـجـــرد حـلـــــــم..!!

زمان لما كانت الدنيا بتضيق بيا..
والحزن يملاني..
والجرح يقسي عليا..
كنت بجري وأروح هناك لنفس المكان !!

أسكت..
يصعب عليا حالي..
أبكي..
أقول دموعي غاليه..
وألاقيني بسرح وياخدني الحنين لحاجه معرفهاش !!
يمكن أكون بحن لحلم حلمته سنين.. أو سرحت في بحر خيال.. مجرد خيال !!

رحت النهرده لنفس المكان..
سكت..
صعب عليا قلبي أوي..
بكيت..
لكن بحرقه أوي..!!
أصلي موجوعه أوي..
ولاقيتني زي كل مره..
بسرح.. بس المره دي غير كل مره !!
خدني الحنين لهواك.. ولاقيتني فجأه معاك !!
حبيبي.. وحشتني أوي..
وحشتني لمسة ايديك..
وحشتني الحنيه اللي كنت بعشقها جوه عنيك..
وحشتني التفاصيل البسيطه دي..
بس خلاص.. محدش فينا خد باله منها.. وعشان كدا.. ضاعت !!

لاقيتني فجأه.. فقت من الحلم.. ومش معاك !!
أبكي وأغرق الدنيا بدموعي.. وأصرخ بأعلي صوت وأقول الآه..
أنا مش عارفه أعيش من غيرك.. مش عارفه أبقي لوحدي.. ازاي هكمل المشوار ؟!!
ولا أكدب علي نفسي.. وأضحك وأعلي صوت ضحكتي وأداري صوت أنيني..
وأزحم حياتي بالناس.. وأكمل المشوار ؟؟

خايفه يفضل الصمت هو العمله المتداوله جوه مملكة قلبي..!!

سكوووووووووووت !!

ربـاعيـــاتـي.. (3)

ليـه يــا قلبـي ضعيف كـده قـدام حـبيبك؟؟
مبقــاش حـبيبك طمعته فيـك بكـره يسيبك
في يوم هتتألم تقول الآه ولا حد هيسمعك
وتتعـلم تعـيش كـرامتك ولا قلبـك يوجعـك

what does people need

people don't live just on a bread..

أعــــــــز النـــــاس... حـبــــايـبـنــــــا

الي تلك الفتاه التي علمتني معني الصداقه الحقيقيه..
الي الملاك الذي يلهمني نظرة الأمل والتفاؤل للدنيا..
الي القلب النقي الطاهر الذي يشبه الصفحه البيضاء وكأنه يشع نورا..
الي الروح المرحه التي لا تهدأ والابتسامه البريئه التي تذكرني دوما باءبتسامة الطفل الجميل..
فتاه في السادسة عشر.. طويله.. نحيفه.. شقراء.. جميله.. حبوبه.. صريحه.. طيبه.. مؤدبه..
تلك باءختصار هي سمات وملامح أعز صديقاتي - بل أختي - أنغام.. كما أراها أمام عيناي كلما أشتقت لذكرياتنا سويا وأجمل أيام حياتي..
أعرفك منذ نعومة أظافري.. من أيام KG.. فاكرة؟؟
وكبرنا سويا.. ومازلنا معا.. لا يفرق صداقتنا أي شئ مهما عظم.. ولن نفترق أبدا..
أنغام.. أحبك حبا جما..
أنتي أقرب الناس الي وأقرب البشر من قلبي..
فلو جمعوا حب الدنيا بأكمله لن يكفي حبي لك..
أنتي مثال للصديقه الوفيه التي تحب صديقتها وتريد أن تعمل ما بوسعها كي تسعدها وترسم الابتسامه علي شفتيها..
أنتي مثال للصداقه الحقه الخاليه من الغيره والحقد والأنانيه وكل هذه الأشياء التي لم ولن نعرفها سويا يا عزيزتي.. فالكلمات تعجز عن وصف ما أكنه لك من حب واحترام يا بئر أسراري.. يا مرآة حياتي..
حتي لو انتي بعيده روحك المرحه معايا.. وقلبك الطيب ويايا..
بتمني لك الصحه والستر والنجاح والسعاده..

ووســـــــــــع وســـــع وســع لأهم حاجه
اننا نفضل اصحاب وأناتيم واخوات وجيران طول العمر يا أنغام قلبي..
ومتخافيش هقدر صداقتك طول العمر وعمري ما هنساكي
ومين ينسي؟؟
ومين يقدر في يوم ينسي أهم رفيق في حياته؟؟!

ربنا يخليكي ليا :)

ربـاعيـــاتـي.. (2)

لــو يـوم دخــل الحـزن جـــوه قلبــك
وعـم الخـوف والنـدم أرجــاء عقلــك
واكتشفت الغدر والخيانه من صاحبـك
متنساش ان ربك كبير وهيفرح قلبــك

بحبـك.. أكتـر من نفسـي...

سأظل أحبك بدون خوف.. بدون رهبه من المستقبل المجهول..
فحبي لك أقوي من أن يضيع وسط سنين هذا الزمان..
وعشقي لك كالبركان الذي لا يهدأ والنهر الذي لا يكف عن العطاء..

حبيبي.. لا لست فقط حبيبي..
أحيانا أحسك صغيري.. أحسك تحتاجني دوما.. تحتاج حبي وحناني..
كالطفل الذي لا يستطيع مقاومة الحياه بدون حنان أمه..
وأحيانا أحسك صديقي.. فأنت خير من يسمعني.. يفهمني دون كلام..
وعند ضعفي.. عند انكساري.. اهرب من هذا العالم الكبير واختبئ في حضنك الدافئ.. فأنت عشيقي..

لولا خجلي لكنت بحت لك باءنني أحتاج هذا الحضن دوما.. وأعرف انك تحتاجه..
أحلم بأن تقترب مني.. تضمني.. وننسي الزمان..
أريد أن أسرق منك ما أثقلك به الزمان..
أريد أن أنسيك جراحك وآلامك..
أريد أن أري نظرة الرضا هذي دوما في عيناك..

فلقد عرفت معني حياتي يوم أن أحببتك.. يومها ولدت من جديد..
فأنا الآن ابنة الشهر.. افعل بها ما يحلو لك.. فهي ملكك..
اصنع منها زوجه لك وأما لأولادك.. أجعل منها ابنه لك تطيع أوامرك..
ارسم لها طريقا منيرا كي تسير فيه معك..
اهرب بها بعيدا عن زحمة الحياه.. بعيدا عن كل البشر..
لأنكم تختلفون عن كل البشر.. لأنكم تحملون بداخلكم معاني أسمي من أن يعرفها البشر..
لأنها تكن في قلبها حبا لن تلقاه وسط كل البشر..
فهي تعيش لك.. تعيش كي تكون قلبك الذي ينبض بالحب.. وعقلك الذي لغته الحكمه.. وعيناك اللتان لا تعرفا معني الكذب والخداع.. تعيش كي تكون دفئك.. كي تكون أنفاسك..

حبيبي.. سأظل جوارك أتنفس حبك وأبحر في حنانك..
سأعيش لك وما أعظم أن يعيش المرء لمعشوقه !!
قلبي.. حقا فأنت قلبي.. انت من علمته الحياه..
انت من علمته الحب.. انت من استطاع ان يتربع علي عرش قلبي ويصبح ملكا لمملكة كياني..
لقد محوت كل أحزاني وأشجاني.. وبدأت حياتي بنت الشهر التي فتحت عيناها علي حب ملأ قلبها وكيانها..

ترى هل حبي لك وحناني.. واخلاصي ووفائي.. وعقلي وكياني.. وقلبي وحياتي.. ومرحي وذكائي.. وعشقي وجنوني.. وقلمي وكتاباتي.. تكفيك؟؟
أظنها قليله عليك.. فلو أملك أكثر من ذلك سأعطيه لك دون فواتير..!!
رباه.. كم أحبك !!

الـنـــــــدم

** مستوحاة من رواية البنات والصيف " قصة البنت الخامسه " للكاتب المبدع/ احسان عبد القدوس..

وها هي الدنيا.. ضربتها كفا ردت لي الصاع صاعين..

رفضت من كان يحبني ويقدرني..

رفضت من كان علي استعداد أن يدفع عمره ثمنا كي يحافظ علي..

وصرت ألهث وراء من دمرني بيديه ولطخ شرفي وكرامتي !!

رفضت من هو من بيئتي وحياتي بحثا عن الأفضل فاءكتشفت انه كان الأفضل!!

اكتشفت وندمت.. وكان ثمن هذا الاكتشاف غاليا..

أخد من وقتي.. وقلبي.. وعمري.. وجسدي!!

أحمق وأسفل ما كنت أتصورة الأفضل!!

واتضحت لي صورة الأخر كأنها صفحة بيضاء تشع نورا..

أحلم برؤيته الآن.. أحلم أن أعود له قائله " تعلمت "..

ولكنه لن ينظر لي أبدا.. لن يفتح دفاتره القديمه المتهالكه..

لقد خسرته.. خسرته للأبد وسأظل نادمه مشاهدة للشماته في عيون الأخرين..

باحثه عن الأفضل حتي تنهش الكلاب من أحشائي..

وهذا نتيجة الطمع وعدم الرضا..

** نشرت لي في مجلة كلمتنا - عدد نوفمبر 2008

"we need change"

** كتبت الكلام دا ردا علي مقال للمدون/ واحد مخه لاسع شويه من اعضاء مدونة أحلي شباب/ شبـــ اون لاين ـــــاب

المقال كان يحمل نفس العنوان "we need change"

ونحن الان علي مشارف عام 2074 ومازال رئيسنا الحالي ميدو جمال حسني مبارك يحكم مصر.. لابد لنا ان نصمد أمام هذا الحكم الطاغي وهذه الحكومه الفاسده.. نحتاج للتغيير..

تقرير عام 2073::

من فتره 1981 لحد 1989 حكم رونالد ريجان امريكا
و الرئيس الاسبق حسني مبارك حكم مصر

و من فتره 1989 لحد 1993 حكم جورج بوش الاب امريكا والرئيس الاسبق حسني مبارك لسه في حكم مصر

و من فتره 1993 لحد 2001 حكم ويليام كلينتون امريكاو الرئيس الاسبق حسني مبارك برضه في حكم مصر

و من فتره 2001 لحد 2008 حكم جورج دبليو بوش امريكا و الرئيس الاسبق حسني مبارك مازال يحكم مصر

ومن فترة 2008 لحد 2016 حكم اوباما امريكا ولا يزال الرئيس الاسبق يحكم مصر

وفي عام 2017 توفي الرئيس الاسبق حسني مبارك وتولي الحكم نجله الرئيس السابق جمال مبارك

ومن فترة 2017 لحد 2024 حكم جونسون كوكي امريكا ولسه الرئيس السابق جمال مبارك يحكم مصر

ومن فترة 2024 لحد2030 حكم لونو توتي امريكا وبرضو الرئيس السابق جمال مبارك بيحكم مصر

ومن فترة 2030 لحد 2036 حكم براد هونو امريكا ولا يزال الرئيس السابق جمال مبارك يحكم مصر

ومن فترة 2036 لحد 2043 حكم توم لرومرا امريكا ولسسسسسسسه الرئيس السابق جمال مبارك يحكم مصر

وتوفي الرئيس السابق جمال مبارك في اواخر عام 2043 عن عمر يناهز ال 500 عام وبعدها تولي الحكم نجله الرئيس الحالي ميدو مبارك الذي" يتف" علي الشعب كما أوصاه جده الرئيس الاسبق محمد حسني مبارك

ومن الفتره 2043 وحتي الان يحكم ميدو مبارك مصر وقد مر علي امريكا الكثير والكثير من الحكام ك فرونو بيتو و لولو سوسو و منوللي ترولي و فروو و بيتو سكم و بريد نولي وغيرهم - حقا لا استطيع التذكر الان- ولايزال الشعب المصري الجائع يعاني من قسوة وقهر ميدو مبارك الرئيس الحالي..

حقا.. نحتاج للتغيير.. نحن في حاجه الي وقفه مصريه.. هات ايدك يا مصري في ايدي نقضي علي ميدو وامثاله :D :D :D

بحبك.. مش هقول تاني..!!

معقول يا قلبي لحقت أحبه بالسرعه دي قوي كدا ؟!!
معقول ضعفت وسلمت قدام عنيه بالشكل دا !!
قصدوك كتير ودقوا بابك.. طالبين حبك.. محتاجين حنانك..
وانت قفلته وقلت لااا..
كنت تسرح لعالم تاني تتخيله..
أتاريك كل دا كنت مستنيه..
دلوقتي بس عرفت أنا ليه صبرت كتير..
عرفت قلبي ليه مكنش راضي لحد يميل..
كنت مستنياك.. تحييني من جديد.. تغير حياتي..
رجعت الفرحه لقلبي ورسمت الضحكه علي شفايفي..
أول مره أحس انني مبسوطه بالشكل دا..
أول مره أكون مرتاحه أوي كدا..
شايفه فيك حاجات كتير بتكملني..
هو انت بجد ؟؟ ولا أنا بحلم ؟!!
خايفه يكون دا وهم.. خايفه متحسش بيا..
أنا بقيت عايشه ليك.. حياتي بقت واقفه عليك..
وأنت واقف من بعيد مش حاسس بيا..!!
حياتك مليانه ناس كتير.. بس أنا دخلت جواها.. وأنت فاكرني مشغوله بالناس..!!
صحيح حياتي مليانه بالناس بس محدش فيهم يقدر يمحي الأخلاص..
ولا حد هيعرف ينسيني أول احساس وأجمل احساس..
مع انك بعيد.. وفاكرني مش عاشقه عنيك..!!
كفايه عليا أكون معاك جوه أحلي حلم حلمته سنين !!

حـالــــي عــــال..!!

تعبت بجد.. والمره دي مش عارفه أداري..
هو أنا ليه كدا ؟؟!!
ولا ليه الدنيا كدا !!
دنيا شبه المرجيحه..!!
يوم تودينا فوق ويوم تجيبنا لتحت..
يوم تنام مبسوط ويوم يصيبك الغم..
ميت سؤال وسؤال
ماشيين في ملاهي بندور ع الجواب..
عمالين نتفرج أكتر وأكتر..
ونشوف اللي عمره ما اتشاف !!
بنلف حوالين نفسنا.. ونرجع تاني لنفس المكان !!
ويضيع الوقت ببلاش.. ونرجع نندم ع اللي فات..
ولا حد مبسوط ولا حد مرتاح..
وقلوبنا اتعلمت السكات !!
مبقتش قادره تصرخ بالجرح والآهات..
شرخ كبر وبقي كسر أصيل.. ولا يوم هيتصلح..!!
جرح كبير عمره ما هيتنسي..
دنيا واسعه وسيعانا كلنا..
بس خساره.. يوم ليك ويوم عليك..!!
ماشيين بنضحك علي نفسنا ونقول بنتعلم وما نتعلمش..!!
بناخد بدل الضربه مليون ونقول وماله !!
قال ايه الضربه اللي ماتموتنيش تقويني !!
ونستلم ضربات ورا ضربات ولا بنتعلم ولا بنقوي..
دنيا عماله تجري من حواليا وأنا واقفه هنا مكاني..
عامله زي الشجره الجميله فاتنه الناس بجمالها بس خساره ميته !!
زي ما تمسك ورده وتقول الله ريحتها حلوه وهي أصلا دبلانه !!
عماله أضحك وأضحك بصوت عااااالي..
وأعلي صوتي أكتر وأكتر..
كنت فاكره ان صوت ضحكتي هيداري أنين جراحي وآلامي !!
وكل مره أعترف انني مش عارفه أداري وأرجع برضو أداري وأداري..
مش عارفه ايه أخرتها.. ولا لاقيه نهايه للحكايه !!
ياتري أنا هفضل هنا؟؟
ياتري أنا هفضل كدا؟؟

** من أقرب ما كتبت لقلبي...

آسفه يارب العالمين.. روحي وحشتني !!

هنا.. وفي نفس المكان اللي كنا فيه من سنين..
افتكرت ذكرياتي وياك وخدني الحنين..
أيام جميله ياريتها تتعوض بس انت فين؟؟
وحشتني.. وحشتني ياللي بحبك أكتر من نفسي..
وحشتني.. وحشتني ياللي فاهمني أكتر من نفسي..
وحشتني.. وحشتني ياللي بتشيل عني كل همي..
عماله أنادي وأنادي وأصرخ بصوت عالي " انت فين " ؟؟
ياريتك سامعني.. ياريتك تبقي جمبي..
عارفه انه غصب عنك.. بس أنا مالوحده بتألم..
ماليش حد بعدك.. كلهم غدارين.. كلهم كدابين..
كلهم بوشين يتلونوا علي كل لون !!
محدش فاهمني.. ولا عايزه حد يفهم..
محدش حاسس بيا.. ولا عايزه حد يحس..
الاحساس بقي عمله صعبه.. والوفاء بقي كلمه نادره !!
وانت بعيد عني وأنا عايشه في غابه غير جنة أحلامنا..
كل ما أزورك بتعب وأقاسي.. معقول في يوم أعيش أنا وحته مني تموت ؟!!
معقول في يوم تضيع حياتي؟؟ معقول في يوم تبعد كدا؟؟

تعبانه من غيرك بقاسي.. عماله أداري وأداري وفجأه يتفضح حالي..

مش قادره أعيش من غيرك ولا قادره أرفض الواقع..
انت في عالم وأنا في عالم تاني فارق مابيننا أرض وشوية مباني..
قبر انت جواه مدفون..ودنيا أنا فيها مدفونه !!
محسوبه ع الدنيا حيه..وفي الحقيقه أنا مقتوله !!
مافاضلش غير بقايا انسان عايش ع الذكريات مستني لحظة الممات !!!

** باءختصار.. من أقرب ما كتبت الي قلبي...

ربـاعيـــاتـي.. (1)

مهمــا أثـر الظلــم عالمكــــــــــــان
وســاد الخــوف مع الحـرمـــــــــان
واتصارعو مع بعض بني الانســـان

راح ييجي فجر جديد وينور المكــان

أول حـلــــــم

أنا كنت عامله بوست قديم في شهر يوليو الماضي بالخاطره دي لانها من أول الخواطر اللي كتبتها..
والخاطره دي من أكتر الخواطر اللي بحبها في خواطري.. وكمان لانها مستوحاه من رواية الكاتب المبدع/ احسان عبد القدوس " وكر الوطاويط ".. الروايه دي بحبها بشكل مش معقول وروايات احسان عبد القدوس عموما بحبها لانه دايما بيأثر فيا بطريقة كتابته وواقعيته وجرأته.. من كتر ما بيتكلم بيسبب لنا أوجاع.. بيتكلم بصراحه ممكن تجرح حد فينا.. بس ممكن تفوق حد تاني !!

لكن النهرده قررت أعمل بوست جديد للخاطره من تاني بس المره دي مش هتقروا الخاطره.. لا انتوا هتشاركوني اول حلم ليا.. " حلم الكتابه " اللي من أهم أحلامي اللي هعمل ما بوسعي عشان احققها - انني أكون دكتوره ناجحه ورسامه موهوبه وكاتبه مبدعه ومؤثره -
لما دخلت علاج طبيعي حسيت انني بطلع اول سلمه في حلمي انني اكون دكتوره
وقررت تأجيل حلم الرسم عشان أركز في الدراسه دلوقتي
لكن الحلم دا كنت بحاول أحققه من سنتين.. كل الناس مستغربه - ازاي انتي عندك 17 سنه وكاتبه الكلام دا - انا مش هقولكو ازاي.. انا هسيبكم تكشفو دا بنفسكم.. حاولو تكتشفكوا هاجر زعبل !!
او ممكن تقرولي وتنسوا السن عشان متتجننوش بس :D :D :D
اقولكم مفاجأه كمان انا ابتديت اكتب قصص وخواطر من وانا صغيره اوي والموهبه ابتدت تكبر معايا..
بس انا نفسي أكون حد محسوس.. حد موهوب.. حد محبوب.. مش مجرد حد بيكتب وخلاص..
وكمان معنديش استعداد أكتب وأرمي كتاباتي اللي بتمثللي حاجات كتير أوي ممكن متكونش مهمه لأي حد غيري..
عشان كدا التحقت بمجلة " كلمتنا " من حوالي 3 شهور وهما احترموا موهبتي وضموني للكلماويه :)
ودلوقتي بعتبر نفسي بطلع أول سلمه في أحلامي في مجال الكتابه بمناسبة نزول خاطرتي " وكر الوطاويط " في العدد الجديد من المجله :)

وبوجه شكري لكل الناس اللي ساعدوني سواء من المجله او خارجها..
بشكر كل من قاللي كلمة تشجيع او نقد بناء.. أكيد أرائكم بتفيدني جدا..
بشكر كتير من زمايلي في المجله.. وبقولهم بحبكم أوي.. ونفسي ننجح سوا ونحقق أحلامنا :)
وقبل ما تقروا الخاطره من جديد
أحب أمحي جملة " احلم علي قدك " من قاموس حياتي
انا هحلم وهحلم ومش هبطل حلم.. وهحقق كل أحلامي مع انها مالهاش حدود !!

لما تقروا العدد الجديد من المجله قولولي رأيكم

بحبكم أوي.. :)

فـــي انـتـظـــــار فـجــــر جــديــــــد

ساعات بحس انني أقوي انسان في الدنيا دي..
وساعات بقول انني أقدر أهد جبال باءرادتي..
وبحس انني فرحان ومرتاح ونفسي أغني..
وبتذوق طعم نجاحي وأنسي مرارة فشلي..
وفجأه.. يتقلب حالي.. أسهر ليالي دموعي علي خدي..
حتي مبقتش عارف أبكي وأصرخ بصوت عالي..
ولا قادر أعبر عن آهاتي وأحزاني..
ساعات بعالج حزني العميق باءبتسامتي قدام مرايتي..
ولا عارف أخدع نفسي ولا حتي أكدب علي مرايتي !!
ولا قادر أخرج من بؤرة الحزن ولا عارف أعيش حياتي..
"حتي أصبح حزني الدفين وفرحتي الظاهره سمه من سمات شخصيتي" !!
ولما أقرر أتغير.. أحاول.. أبتدي من جديد..
ألاقي الحل في الهروب اللي دايما مش بيحل حاجه !!
وأهرب.. وأبعد.. وأحاول أنسي..
لكن.. ياتري هعرف أضحك علي نفسي ؟؟!
برجع بخيبة الأمل.. بحزن أعمق وجرح أقوي..
أنا اللي بحاول أسعد كل اللي حواليا..
أنا اللي برسم ابتسامه علي شفايف كل اللي يعرفني..
أنا اللي بعلم الناس دروس عن السعاده.. مهموم.. حزين !!
نفسي يطلع فجر جديد يزيح هموم سنين..
بس يا تري هلاقي الفجر اللي يمحي غدر الزمان ؟؟
هصبر.. وهتحلي بالأمل والايمان.. في انتظار فجر جديد..
بلا خوف.. بلا هروب.. بلا جراح..

قـطـــــــر الـحــيــــــــــــاه

عايش وسط ناس كتيره وعالم كبيره..
ست عجوزه شريره بصالي بعين ماليها الكره !!
وراجل طيب بيخاف عليا ومستعد يساعدني بأي شكل..
عيون بصالي وحاقده عليا.. ومنقار بينقر جوايا وفي قلبي !!
ناس بتتحكم فيا من غير ما أحس !! وناس بتحبني وأنا معرفش !!
خطين نجاح.. حلمين اتحققوا وضاع منهم حلم بين لحظات النجاح !!
وروحين واقفين قدام واحد من أحلامي بيقولو لاااا "مش هتكمل".. "مش هتتحقق"
مع انهم أقرب الناس ليا !!
وصراع هيستمر فتره طويله.. وبعده نجاحات عظيمه..
وقلب مجروح.. وجرح بيتكلم.. وسبب الجرح يوجع ويشيب !!
وناس هتحب.. وناس هتغدر.. وناس هتبيع..
وأنا عندي قلب كبير يساع كل البشر.. طيب.. لونه أبيض..
ورغم كدا محاط بمنطقه من الضباب.. غموض محدش هيعرف يوصله مهما عدي عليه الزمن !!

** من أقرب ما كتبت الي قلبي .....

مـمـلكــــة الأحـــــــزان

أصبح احساسي ضعفا في دنيا انعدم منها الاحساس..
أصبح قلبي لعبه في دنيا انتهكت منها أسمي معاني الحب والاخلاص..
وصار اخلاصي سذاجه في دنيا تتكون من ذئاب تعوي وثعالب لا تعرف سوي المكر والخداع..
وانعدمت معاني الحب والرحمه والاخلاص..
وبات الظلم والغدر في قلوب الناس..
وتبدل حال الزمان..
فأصبح مصدر قوتي هو مصدر ضعفي وشقائي..
وأصبحت وحدي لا أتذوق سوي طعم الأحزان..
ولا أجد للفرح بابا ليدخل منه يهدم مملكة الأحزان..
فصرت كالسفينه التي تريد أن ترسو ولا تعرف..
وشبهوني بالطفل الذي لا مكان له وسط عالم الحيوان !!

ويـســـــتمر الـصــــــــراع

**مستوحاه من قصة "الرحله" للكاتب/ محمد متولي:

وبعد عامين من الحب.. يمر أمامي شريط الذكريات..
أتذكر نشوة الحب في عامه الأول..
أتذكر الحب والسعاده والاقبال علي الحياه..
أتذكر حبه الملتهب العنيف..
ذلك الشاب الرائع الجذاب.. الذي بدل حالي..
أنا القويه التي رأت الكثير وتعلمت الأكثر ممن حولها.. وقعت في الحب لدرجة الضعف..
أنا من كنت مطمع الكثيرين ولكني أخترته هو..
وها هو في عامة الثاني يهملني وينشغل عني..
يتغير.. ويتغير كثيرا..
وكأنه رجل غير من أحببته !!
وسرعان ما يبدأ الصراع بداخلي..
صراع بين قلبي وعقلي
فقلبي يدافع عن حبه..
وعقلي يملي علي وصايا وتخذيرات.. وكأنه يناديني "لا تتنازلي عن موضع قوتك"
ويعود قلبي وينفي وصايا عقلي..
ويستمر الصراع..
حتي ينتصر قلبي.. ثم يدفعني حبيبي ببروده وفتوره الي عودة التفكير بعقلي..
ويستمر الصراع..
فقررت أن أبدأ رحلة التغيير والنسيان..
وخدعت من حولي بأنها رغبه في التجديد لا "رغبه في النسيان" !!
ويستمر الصراع..
وفي النهايه ينتصر قلبي.. وليذهب عقلي الي الجحيم..
فأنا "أحبه" رغم كل شئ.. ولن أحيا بدونه.. رغم بروده وفتوره !!

قــلـبـــــــي أم كــــــرامـتـــــــــــي؟؟

**خاطره ارتجاليه ردا علي شملولي بن سحلولي " حسام":

كنت تملكني..
نعم.. اعترف انني كنت لعبه بين يديك..
كان حبي لك ضعفا.. وقلبي الطيب "سذاجه"..
كنت شمس حياتك التي لا تغرب..
ولكنك كسرتني.. دمرتني بيدك..
تركتني وحيده أبحث عنك..
تركتني وحدي أعاني من قسوة الايام..
وطال انتظاري..
والآن بعد ان قررت الرحيل بدأت تعيد حساباتك..
بدأت تكتشف من أنت بدوني..
بدأت تعرف من أنا..
أنا الشمس التي اذا غربت من حياتك سوف تبكي الدمع دما..
سوف تكتشف انني وأمثالي "ننقرض" من الحياه..
لم يعد للحب البرئ والقلب النقي الطاهر مكان وسط ذئاب بشريه شيامها الغدر..
قسوت علي.. وعلمتني القسوه..
ومع ذلك "أحبك"
تحمل قسوتي الآن يوما.. يومين.. وربما شهرا..
ولكني في النهايه سأعود..
سأعود بعد رحلتي..
سأجد نفسي يوما واترك ألامي وأحزاني هناك..
انتظرني اذا كان قلبك مازال ينطق بحبك لي..
انتظرني اذا كنت مستعد للتغيير..
لنفتح صفحة جديده عنوانها "الحب"
وعليك أن تحافظ علي هذى الصفحه.. فهي اخر صفحه لك..
لا استطيع التخلي عن كرامتي أكثر من ذلك..
ولكني سأعود لك لأن قلبي بدونك لا يستطيع الحياه..
"أحبك"
ولكن لا تطمع.. لانك اذا لم تحافظ علي قلبي سأعلمه الحياه بدونك..

ســــــأعود يـــومـــــــــا

حبيبي.. قد جاء اليوم لتكون وحيدا.. بدوني
حبيبي.. ذق مما كنت أذقه دوما..
حبيبي.. لا تخف.. لن أتركك كثيرا..
ولكن علي الرحيل..
أريد أن أبدأ رحلتي المجهوله.. رحلتي مع نفسي التي دوما أبحث عنها..
وحتي لو طال غيابي.. سأعود..
سأجدها يوما وأعود لك.. لأنير حياتك من جديد..
وعليك الآن أن تتذوق طعم الوحده جيدا..
حتي تعرف لذة الطعم الذي أذقتني منه ليال طوال..
ورغم كل هذا "أحبك" !!
ستنتهي رحلتي يوما وأعود لك..
انتظرني.. لنبدأمن جديد !!!

شــــــئ مـــن الخـــــــــوف

خايف أكون مبسوط أوي وألاقيني بحلم..
خايف أصدق انها حقيقه تطلع وهم..
خايف أطير وأصحي في يوم من غير جناح..
خايف أفرح.. خايف أضحك.. خايف أصرخ وأقول سعيد..
أفوق في يوم وأبقي حزين..
وألاقيني فجأه بقيت وحيد.. رافض عيون صعبان عليها أو شمتانه فيا..
ولما بفرح ببكي عشان مش مصدق نفسي.. وأقول أكيد في غلط !!
خايف أفوق مالحلم أشوف وش الحقيقه..
ممكن أكون مستني سراب؟؟ أو أنا بتخيل حاجات؟!
خايف قلبي يجري وراك.. ألاقيني مشيت في سكة هلاك..
ليه يا حبيبي بتبعد عني؟؟
من غيرك مش عارف أشيل الخوف من قلبي..
محتاج لحضنك الدافئ يديني الأمان..
ضمني بعيونك نسيني الخوف..

رمـضـــان كــريـــــــــــم... الله أكـــــرم

اللهم بلغنا رمضان..

واعنا علي الصيام..

والقيام وقراءة القرآن..

واهدنا لبر الأمان..

يا الله يا رحمن

ســأنـجـــح فـــي صـراع الـحـيـــــــــــاه

لا أعلم لماذا تركت الدنيا وجئت اليك!!
ولكنني علي يقين بأنك الوحيد الذي سوف يسمعني.. يفهمني.. ثم يصمت..
يا بحر الأعاجيب.. يا صاحب العالم الغريب..
يا من تسكنك كائنات متنوعه.. وممالك جميله..
يا من يأوي القوي والضعيف..
أكثر ما يعجبني فيك تقبلك لهذا التنوع..
يا بحر الحياه..
أشكو اليك وأبوح لك بهمومي..
وما أعظم أن يبوح المرء بهمومه لمثلك!!
يا بحري الواسع..
أشكو اليك من قسوة الأيام..
انني أتألم من غدر البشر..
أتعذب.. وأبتسم كي أسعد من حولي..
يا بحر.. هل تسمعني؟؟
يا كتوم.. هل تفهمني؟؟
أشكو اليك وتفتح صدرك لي بهذه الموجه المقبله وكأنها تناديني " تخلصي من همومك" ثم تأخذ الموجه همومي وترحل..
أحس براحه غريبه.. أقادره أمواجك علي ازاحة همومي عني!!
حقا.. لقد كنت علي صواب عندما أخترتك كدواء لدائي..
لا أريد أمواجا أخري.. لقد تخلصت من همومي
والآن.. أعدك أن أبدا من جديد..
سأفتح صفحه بيضاء عنوانها النجاح..
وسأخبرك بصدق وعدي في زيارتي القادمه لك..
ولكني لن أزورك طلبا للدواء..
سأزورك لأخبرك بنجاحي في شتي الميادين..
أعلم أنك مهموم بهموم كل طالبا لك..
ومع ذلك فأنت حليم لا تكل ولا تمل.. تسمع هموم البشر وتساعدهم بكتمانك وجمالك..
أعدك من الآن.. لن أزيد همومك من بعد..
ولكنني سأدخل السعاده الي كل قطرة مياه تمتلكها
وسأجعل الأمواج تتراقص معلنه فوزي في صراع الحياه..

يــلا بـيـنــــا نـبـتـــدي مــن جــديـــــــــد

ليه يا دنيا محسساني انني بلف جواكي في دايره مقفوله؟؟
ليه يا دنيا معذباني؟؟
ليه لما أبتدي من نقطه أفضل ألف كتير وأتعب وأنتهي عند نقطة البدايه!!
ولا كأن حصل حاجه.. مطرح ما أبتدي أنتهي..
ليه يا دنيا محيراني؟؟ ليه جايه عليا أوي؟؟
صحيح أنا كنت مخاصماكي لكن دلوقتي بصالحك.. بضحكلك.. وعايزه أنسي اللي فات..
تيجي يا دنيا؟؟ تبتدي معايا من جديد؟؟
مخاصمتكيش لوحدي!! صدقيني..
كلهم ماشيين جواهم هموم وجراح ورغم كدا موقفوش..
ولو حد فينا عرف هموم غيره هانت عليه جراحه وهمومه..
ليه محدش عاجبه حاله؟؟!
لكن لازم في يوم نزيح الهموم عننا ونشيل الجراح من قلبنا..
كلهم ماشيين متبسمين وكأنهم متحفزين "هنخرج من همومنا وهنعرف نعيش"
معرفش مين صالحك ومين مصالحكيش..
معرفش سامحتي مين ومين مسامحتيش..
بس المهم انني بصالحك وعارفه انك هتبتدي معايا من جديد..
تعالي نخرج بره الدايره المقفوله ونعيش..
مش انتي واسعه أوي يا دنيا؟؟

لـســـــه فــي أمــــــــل

رغم الوجع والألم لسه متكسرتش..
رغم الفشل والندم لسه رافعه راسي..
رغم الجرح اللي مالو دواء لسه في أمل..
الوجع والألم خلوني قويه ضد الكسر..
والفشل والندم علموني ازاي مفشلش..
والجرح اللي مالو دواء خلاني أفكر له في دواء..
مش مستنياك يا طبيب مانا طبيبه..
مش محتجاك يا حكيم أنا حكيمة نفسي..
ولا عايزة فنان يساعدني يكفيني احساس فناني..
فناني اللي جوايا اللي حاسسني وبيعبر عني..
ألمي علمني الصلابه..
فشلي علمني النجاح..
ورغم كل اللي فات.. لسه في ذرة أمل..

قـبـــــل الـرحـيـــــــــل

لماذا تعطيني الحب بالكلام المعسول ولا تعطيني اياه بالفعل الملموس؟؟!
لماذا أحسك تحب الحب ولا تحبني أنا محبوبتك؟؟!
لماذا تجعل حبك لي كشمس الشتاء لا تلبث أن تشرق حتي تحجبها الغيوم؟؟!
لماذا؟؟ أجبني..
سأرحل اذا أردت ذلك ولكن علي أن أسمع جوابك قبل الرحيل..
لا تظنني سأنتظر صداقتك.. فصعب أن يتحول الحب الي صداقه..
ولكن لا تخف.. فالأصعب أن يتحول الي عداوه..
ولكننني الآن في لحظة الاختيار..
كم تكن قاسيه تلك اللحظات علي..
انك لا تعلم مدي صعوبة هذا الموقف..
الاختيار بين الحب والكرامه..
ولكنني الآن مجبره علي التنازل عن أحدهما..
كي تعيش كرامتي.. كي لا أموت..
لا ترحل.. فانا سأرحل قبلك..
ولكن عليك أن تسمعني قبل الرحيل..
سأقتل حبك من قلبي مهما تكن صعوبة قتل الحب..
سأتعلم فن القتال.. سأحترفه..
لكي أحافظ علي كرامتي..
قبل الرحيل..
سأعترف لك انني علي اقتناع بصواب اختياري..
لأنني لا أريد أن أرتمي في حضن ملئ بالأشواك..

ومـازلـــــت أراكــــي فــــي مـرآتـــــي

صغيرتي.. لا تتعجبين حينما أقول انني عندما أنظر في مرآتي أراكي..
أحس وكأنك روحا سكنت روحي..
صغيرتي.. لا تتعجبين حينما أقول ان روحك سكنت جسدي وأني لا أنساك أبدا..
صغيرتي.. أتعرفين لماذا أناديك بهذا الاسم؟؟
لأني أحسك ابنتي حبيبتي.. أحسك أختي الصغيره..
أحسك الملاك الذي يحتاج الي حنان الأم..
أعلم أنك تحبين أن تريني العاقله..الرزينه.. الكبيره..
أعلم أنك تنظرين الي كما ينظر الطفل الصغير الي أمه..
أعلم أنك تحتاجينني دوما..
ولهذا وقعت مسئوليه كبيره على..
ليست سوي أن أكون رفيقتك.. لا..
ولكن أن أكون مرشدتك.. مثلك الأعلي.. أختك الكبيره..
بئر الحنان الذي يروي جفاف المشاعر..
ومع ذلك.. ورغم ندائي لك بصغيرتي..
ورغم احساسي بأنك الملاك الصغير أو الطفل الجميل..
أحيانا أحسك أمي..
أحيانا أحسك أنتي مرشدتي ومعلمتي..
أحسك شعلة النور التي تضئ لي سواد الليل..
أحسك شمس حياتي..
رغم ندائي لك بصغيرتي فأنا بدونك كالطفل التائه عن أمه..
كالطير التائه عن عشه..
كالحجر الذي يحتاج حجر ليصبح بنيان قوي..
أنتي صغيرتي.. ورغم ذلك أنا صغيرتك..
لا تظنين أننا بعدنا.. فهل يبعد المرء عن نفسه؟!
وحتي لو بعد عن نفسه.. هل يستطيع نسيانها؟؟!
هل يستنكرها عندما يقف أمام المرآه؟؟!
لا يا صغيرتي..
فصمتي هذا كي أسمعك..
وكتمان آلامي هذا كي أحاول أن أداوي جراحك..
وابتسامتي هذه كي أهدئ من قلبك الحزين..
ورغم كل هذا لم أبعد عنك.. بل اقتربت منك أكثر!!
فأنا أري الحنان في عينيكي يهون عليا الجراح..
وأسمع حلولا لمشاكلي في تلك الابتسامه المرسومه علي شفتيك..
وأحسك معي بقلبك الحنون..
يكفيني أنك بجواري.. حقا هذا يكفي..
يكفيني نظرة رضا منك.. فهذه النظره تقوم بمحو جراح كثيره..
لا أريد أن أزيد همومك بهمومي..
وأري حلا لهمومي أثناء التفكير في حل همومك.. ألم أقل لك أنني أراك في مرآتي؟
لا تظني انني بعيده.. فأنتي معي بقلبك وحنانك وابتسامتك الجميله..
وهذا البعد كسحابة الخريف.. تأتي وترحل في نفس الوقت..
غدا سأخرج من جرحي الكبير.. سأعود لك كما كنا.. ومازلت أراكي في مرآتي..
صغيرتي.. كوني دائما بجواري سواء سأصمت أو سأتكلم..
ففي كلامي تزيلين همومي وآلامي وتعطيني الأمل..
وفي صمتي أنتي الوحيده التي تحسيني..
أحبك يا صعيرتي..

** اهداء لـ " صغيرتي " ، هي عارفه نفسها ..!!

الـقـمــــــــــر و أمـثـــــالــــــــــه

عندما أجلس وحدي.. أخرج الي شرفتي..
أنظر الي القمر.. سبحان الله الذي سوى هذا المنظر البديع..
انني أعشق هذه اللوحه الرائعه التي صنعها الخالق عز وجل..
ولكنني سرعان ما أتراجع عن عشقي لهذا القمر..
سرعان ما يصرخ قلبي.. كفي.. كفي ضعف أمام من تحبين.
كفي.. كفي حبا لمن هو مخادع وكذاب.. فكل من أحببتي مخادعين وكاذبين..
وحتي القمر.. كاذب ومخادع..
يعكس نور الشمس التي تحرق نفسها لتدفئك بحرارتها وتغمرك بضوءها..
ورغم كل هذا.. تنظرين للقمر الكذاب..
تنظرين اليه ويدور في بالك شريط الذكريات..
أواه يا قلبي المجروح.. فكل ذكرياتي لا يخلو منها الخداع..
وكل من أحببت مخادعين كاذبين كالقمر وأمثاله..
لماذا أحببت القمر رغم علمي بأنه مخادع وكذاب؟!
لماذا لم أذهب الي تلك الشمس التي تهب القمر جماله؟!
لماذا ارتميت بين أحضان القمر المتقلب؟!!
نعم.. متقلب.. فيوم هلال.. ويوم بدر.. ويوم لا أري له أثر..
لماذا أخترت هذا البارد كي يهدئ من نفسي الملتهبه وقلبي المحترق؟؟!
ربما لبروده وهدوءه.. وربما لجماه الزائف!!
ولكن سرعان ما ينكشف هذا الزيف وتظهر الحقيقه جليه واضحه..
انه "اللص" الكبير الذي يأخذ جهد الأخرين كي يستر عيوبه..

جـيـــــــــت مـتـــــــأخـــر

ياللي كان اسمك حبيبي..
عايز منني ايه؟؟
ياللي كنت بقول نصيبي..
جاي دلوقتي ليه؟!
عمري ما هرجعلك تاني.. وحياة كل دمعه بكتها عيني عليك..
ياللي بايعني وأنا كنت مشتريك..
مش هبيعك دا مش عشان أنت غالي!!
بس أخاف أبيعك أغش اللي يشتريك..
هسيبك لوحدك تندم.. وعمرك ما هتعرف ترجع..
هعيش حياتي من بعدك ومش هتقف عليك..
لا يا عمري اللي فات عمري اللي جاي من غيرك طعمه حلو أكيد..
قلبي اللي ضاع من ايدك باءيدي أنا ضيعته..
عمري ماهندم علي أحلي قرار في حياتي أنا أخترته
بعدي عنك حياة.. وقربي منك كان عذاب..
لو حياتي معاك هنا هرضي أنا بغير الهنا من غير هواك!!

قــمـــــة الأمــــــــــــــــــــان

بين ظلام الليل ونور النهار..
بين سكون الليل وحركة النهار..
أجلس.. أتأمل.. أحلم..
وأنتهي بحقيقه واحده
لن تسع صدور البشر همومي..
فأنت وحدك من تسمعني.. تفهمني.. تقف بجواري.. تعطيني الأمان..
أنت الكبير.. الحكيم.. الواسع.. المغيث..
وعندما تضيق بي الدنيا تفتح ذراعيك لاحتوائي..
أعطيتني الكثير من رزقك
وأزلت عني هموم كثيرة وآلام وأوجاع عظيمه
وحافظت علي سري.. وسترتني.. وغفرت لي..
أحمدك يارب.. يا غفور.. يا منان..
يا علي.. يا عظيم..
أنت الوحيد الذي لا يتركني ولا يتخلي عني وقت احتياجي له..
أنت الكبير.. الملك.. الجبار..
فأنا لا أحتاج لأي مخلوق الآن..
أنت معي ياربي.. أعظم من أي شئ.. وأغني من كل شئ..
أنت المغيث.. الصبور..
ألهمني الصبر يا رب علي هذه الدنيا
وأغنيني ياربي عن أي شئ سواك..

هـعــرف أعــــــيـش

تعبان مالدنيا ومش قادر أتحمل..
شايل جوايا وماشي بهموم تهد جبال..
شايل جوايا وساكت.. وهتكلم ليه؟؟!
محدش هيسمع.. محدش هيفهم..
والكل فاكر انني سعيد وطاير!!
وأنا أصلا مالحزن قربت أنسي طعم الفرح..
الكل باصصلي وبيحسدني!!
آه.. لو تعرفوا اللي بيا عليا راح تبكوا وتصرخوا..
مالناس مش شايفة غير الظاهر.. صوره جميله وشفايف متبسمه..
لكن اللي جوه القلب لو تشوفوه عليا راح تتألموا..
لوحدي ماشي وشايل هموم.. مش قادر أتكلم ولا عايز أقول..
وحتي عنيا جفت من كتر ما نزلت دموع..
دموع كل يوم بتنزل في الضلمه عالخدين..
وشفايف كل يوم تضحك حتي مع القريبين..
ولا حد حاسس بيا.. ولا ناوي أشارك حد..
خلي همومي ليا يا قلبي.. أستر نفسك وعيش..
صحيح اللي جوايا لو حد تاني فيه مكانش استحمله..
لكن هداوي جراحي لوحدي..
مش هستني ايد حد تتمدلي.. مانا لسه عندي ايد
همسح بيها دموعي.. ومش هسمح لحد يشوفها..
هعرف أحل مشاكلي..
هعرف أداوي جراحي..
هعرف أحقق أحلامي.. وهعيش..

أنــــــــا مــن ومــــــن أنــــــــــــا ؟؟!

أنا من ومن أنا؟؟
أنا التائهه أنا الضائعه أنا الحزينه..
أنا اليائسه أنا البائسه أنا الغريبه..
أنا من ومن أنا؟؟
أنا التي تجرح نفسها بنفسها..
أنا التي تؤلم نفسها بنفسها..
أنا من ومن أنا؟؟
أنا التي ضاعت منها نفسها..
أنا المضللة.. أنا التائهه.. أنا الضائعه..
أنا التي لا تعرف نهاية الطريق..
أنا من ومن أنا؟؟
أنا الشجرة التي شاخت وكبرت.. رغم صغرها..
أنا الورده التي ذبلت وماتت.. رغم جمالها..
انا الفتاه التي ضاعت وتاهت.. رغم ذكائها..
أنا من ومن أنا؟؟
أنا الوحيده رغم كثرة الناس حولها..
أنا الغريبه رغم القريبين حولها..
أنا من ومن أنا؟؟
أنا التي تضحك ثم تبكي..
أنا التي تغني ثم تصرخ..
أنا من ومن أنا؟؟
أنا السعيده في نظر من حولي..
أنا التعيسه أمام نفسي..
أنا من ومن أنا؟؟
لا أعرف شئ.. من أنا؟؟

مللـــت النـفــــــــــاق.. مللـــــــت النــــاس

جميعكم بجواري.. لكني لا أحسكم..
أشعر بأني وحيدة.. شريدة.. حزينة..
أشعر بغربة وسط أقرب الناس..
أشعر بوحدة رغم من حولي من الناس..
أشعر بحزن رغم ضحكاتي العاليه..
وحدي أتألم.. أبكي.. أصرخ..
وقبل أن أوشك علي الانهيار
أصنع من نفسي انسان يساعدني علي المشوار..
وأحيانا.. أنهار..
لا أجد أحد جواري.. رغم كثرة من حولي!!
لا أحس الحب داخل قلوبهم رغم ما يصطنعوة..
مللت الناس ومللت الحياة..
مللت الحب الزائف الكذاب..
مللت الكذب والمكر والخيانه..
توقفت عيناي عن البكاء رغم الحزن الدفين بقلبي..
وتوقف قلبي عن الحب رغم الحنان الملئ بداخله..
وتوقف عقلي عن التفكير رغم الذكاء الذي يعم عقلي..
لقد مللتكم جميعا.. مللت زيفكم..
من لا يحبني فلا يحاول أن يخترق السور العالي..
لا أريد النفاق.. ان كنتم جميعا منافقين.. اذهبوا..
العيش وحدي أفضل من العيش في أشواك الكذب والرياء..

خـــائـفـة مـــن الـحـــــــــــــــــب

أحبك..
لكني لن أعلنها ببساطة..
سأكتمها في قلبي بين أحشائي حتي ألقاك..
أعرفت الحب علي يدي مثلما عرفته علي يدك؟
أعرفت العشق والهوي؟
أذقت نار الشوق والغيرة مثلما ذقتها؟
أحببتك.. لكني لا أستطيع أن أكتم خوفي..
أخاف أن تكون مجرد حلم..
أخاف أن يجري قلبي وراء السراب..
أخاف منك قدر ما أحبك..
حبيبي.. أين أنت؟
لا ترحل.. انتظر..
حبيبي.. لا أقول هذا كي نفترق..
أريدك أن تحتويني..
تزيل آثار سيئة لسنين أسوأ مرت في حياتي..
أريدك أن تحبني قدر ما أحبك..
تمهل.. أنا لا أستطيع العيش دونك.. سأعيش لك..
اذن فلترحل اذا أردت.. واتركني مع آلامي..
ولكني سأظل أحبك مهما طال الانتظار..

فـــــــي حـيــرة

كنت أتجول وأخذتني قدماي الي حيث لا أدري
فاءذا بي في المكان الذي يستريح فيه قلبي..
ولكني أحسست بغربة موحشة في هذا المكان..
الشوارع كما هي..
الأشجار كما هي..
المنازل كما هي..
لم يتغير شئ قط..
ولكن تغيرت وجوة البشر..
تغيرت الوجوة المألوفة التي تعودت عليها
ورأيت نفسي بين وجوة جعلتني أتسأل:
أهذا حال الدنيا؟؟
أم أنا الحيران؟؟!

وكــــــــر الـوطـــــــــاويـــط

مستوحاة من رواية وكر الوطاويط للكاتب/ احسان عبد القدوس
اشتقت الي ذاك المكان البعيد الذي كان يلهمني باءنطلاقتي الفنيه الصارخه التي لا تهدأ..
اشتقت الي ذاك المبني الذي يوشك علي الانهيار..
اشتقت دخوله دوما..
اشتقت الي ان أعود وطواطا داخل هذا الوكر.. ولكن كيف؟!
لقد تنازلت عن فني.. تنازلت عن خطوطي الشاذة التي تعبر عني في كل لوحاتي..
لقد تنازلت عن مبادئي مقابل الشهرة والمال واعجاب الناس.. حتي أصبح أسدا !!
أحس اني غريب عنهم.. وكأني لا أنتمي اليهم..
لن أعود وطواطا من جديد لأنني لا أستحق.. ولا أستطيع أن أعيش بمبادئ الوطاويط مع انني لست سعيدا !!
أبحث عن ذاتي.. من أنا الأن؟!
لست وطواطا.. هل أصبحت أسدا؟
لا.. أنا لست أسدا..
أنا كائن غريب مرفوض من عالم الأسود والوطاويط..

** الخاطره دي بتشكل لـ هاجر زعبل حاجه كبيره اوي.. أكبر من انني أقول انها من أقرب ما كتبت لقلبي..!!

** نشرت لي في مجلة كلمتنا - أكتوبر 2008

لـســــــــت أدري!!

انتظرتك كثيرا.. لكن يبدو انني كنت مخطئة..
بدأ صدري يضيق.. وعيناي تفيض بالدموع..
أشعر انني عاجزة عن التفكير..
لا أعرف أن أرضيك.. ولا أستطيع ارضاء نفسي..
الي متي؟ قل لي؟
الي متي سأظل داخل هذا السجن مقيدة بجنازير قلبي العاشق لك؟!
لا أستطيع أن أرحل.. لا أتخيل حياتي دونك..
ولا أستطيع أن أقتل قلبي بيداي..
ولكنني لا أستطيع الانتظار.. لقد انتظرت كثيرا ولا شئ يتغير
تأخد دون حساب وتعطي بفواتير كثيرة..
فما العمل؟ لست أدري!!

أيـــــــــن أنــــــت؟

يا حبيبي أين أنت؟
وحدي بدونك أحسست بالألام..
وحدي بدونك شعرت بالغربه..
وحدي بدونك مللت الحياة..
هل أنت قادم أم نسيت؟ وهل نسيت حبك في زحمة الحياة؟!
هل سهلا عليك العيش بدوني؟ أم أنت تستريح بدموع عيوني؟!
أحببتك.. نعم أحببتك..
ولكنك تركتني ورحلت..
وتركت معي حزني وآلامي..
وكان معك قلبي لكنك رميته..
ولكنني سأعيد قلبي بين أحشائي..
لأنك لم تحافظ عليه.. ولأن قلبي غالي..
وأنت حبك مجرد هواية!! هواية الحب بالتمثيل..
اذن لا تعود.. وانساني..
لأنني لا أريد أن أضعف أمام شخص كان يوما كل حياتي..
لكنك دفعتني أن تكون "لا شئ" في حياتي..
فلابد أن أكون من أصنام قريش..
حتي لا يعود قلبي يدق ويجري وراء السراب..